SAPNews Oferese Espasu Dialétika Ba Ativista & Intelektuál Sira Halo Debate
Imajem : Edital
SAPNewsTL, Dili : Programa “Espasu Dialétiku” husi oferese oportunidade debate intelektual Ho tema “Papel Juventude Ba Kontrolu Sosial, Entre Objetividade, Popularidade & Oportunidade” Ho debator husi ativista sosial no polítiku sira hanesan Vivante & Lorico.
Programa espasu dialétiku ho atividade debate intelektual ne’e sei transmite direta hosi SAP News TL no realiza iha :
Loron : Kuarta-Feira, 12/08/2026
Fatin : Estúdio Sapnews.com
Horas : 19:00-20:00 PM
SAPNews oferese espasu dialétika ba públiku hodi halo diskusaun, debate no dada lia ho pensamentu krítiku, analítiku, síviku no responsivu.
Programa Espasu Dialétika ne’e hanesan inisiativa edukativu no intelektual ida ne’ebé fó espasu ba diskusaun kritiku kona-ba asuntu polítika, sosiál, ekonomia, kultural no edukasionál iha sosiedade.
Objetivu prinsipal programa ida-ne’e mak atu dezenvolve kultura diskusaun no debate ne’ebé bazeia ba argumentu rasionál no evidénsia akademika. Liuhosi diálogu entre estudante, akademiku, peskizadór no membru sosiedade sivíl, programa ne’e buka atu halo ligasaun entre teoria no prátika iha dezenvolvimentu nasional.
Espasu Dialétika ne’e sei fo espasu ba jovens, akadémiku, sosiedade sivil no polítiku sira hodi fahe hanoin no responsabilidade hodi kontribui ba formasaun konsiénsia kritika iha komunidade.
Diskusaun sira ne’ebé mosu iha programa ne’e bele sai hanesan prosesu aprendizajen kolektivu ne’ebé ajuda sidadaun sira komprende fenomenu sosiál ho maneira sistemátika no reflesiva iha eskalaun nasional, rejional no internasional.
Programa ne’e hodi kontinua promove literasia intelektual, partisipasaun demokratika ho forma apresenta teze, anti teze no sínteze.
