Luta Kontra Injustisa, AMN Sei Halo Kampanha Popular Julga Elite Politiku Iha TL
Imajen Komunikadu Imprensa AMN iha Kampus Sentral UNTL, 30/11/2022
SAPNewsTL, Dili : Aliansa Maubere Nasional (AMN) kuarta-feira orseik, liu husi komunikadu imprensa porta voz Franzelina Aurea Freitas haktuir AMN moris atu kontra injustisa sosial ne’ebe mosu iha Timor Leste, AMN sei halo kampanha iha kualker plataforma media hodi kontra politika ne’e la reflete ba interese komun
“Ohin, loron-ikus hosi semana da-4 ba asaun pasifika no edukativa ne’ebé lidera hosa Aliansa Maubere Nasional (AMN) hanesan publiku hatene, asaun ida-ne‘e moris ho obgetivu rua, Primeiru obgetivu mak kontra direta Parlamento Nasional, iha ne‘ebé durante semana tolu konsege fokit sai karéter kantén ne‘ebé nakonu ho interese privadu hosi makaer-ukun sira, Segundu asaun pasifika ne’e mós nu’udar meiu hudi fo edukasaun politika ba povu, ne’ebé konsege Kria kondisaun atu povu hahu kestiona partidu sira, hahu kestiona elite-politiku sira, no mós kestiona produtu politika no lei sira mak daudaun ne‘e kesi-metin hela ita-nia sosiedade”. Tenik Porta Voz AMN Franzelina Aurea Freitas iha Kampus Sentral UNTL, 30/11/2022
Tuir Nia Aliansa Maubere Nasional analiza katak dinamika no dozenvolviments asaun durante semana tolu ne’e nato‘on ona atu AMN muda forma protestu iha Parlamentu Nasional (PN) nia oin ba kampaña iha publiku nia leet. Liu husi midisla sosial: hosi video, hosi hakerek, hosi diskuzaun iha fatin hotu-hom. Tan ida-ne’e
AMN Husu Presidente Republika hodi veta Orsamentu Jeral Estadu, wainhira PN kontinua sosa kareta foun no la aloka OJE ba setor estratejiku sira
“Ami husu ba Prezidente Repúblika Dr José Ramos Horta atu uza nia kompeténsia konstitusionál hodi veta OJE, kuandu alokasaun la ba iha seitor estratéjiku sira no kuandu PN nafatin integra osan ba sosa karreta-foun”.nia dehan
Entretantu, Kada Membru AMN sei aproveita férias nasionál hodi kampaña programa luta ba inan-aman, Jóven no maluk sira seluk iha ida-idak nia knua. Iha tempu hanesan konvida mós inan-aman no jóven sira atu asina petisaun ne‘ebé AMN sei prepara, AMN sei distribui materia kampaña iha forma surat-tahan ke panfletu iha dalan-ninin, iha fatin rame no eínjeral iha fatin hotu
Enkuantu, AMN konvida povu tomak atu uza ida-idak nia poder politika hodi halo julgamentu popular ba elite sira iha Timor-Leste
Jornalista : Antonio Altamirando
Editor : Ekipa Editorial