Presidente Republika Ramos Horta Sei Vizita Singapura

Imajen Intervista Primeiru Ministru Taur Matan Ruak

SAPNewsTL( Dili) : Primeiru Ministru Taur Matan Ruak hasoru malu ho Presidente Da Republika Jose Ramos Horta iha Palasio presidensial Bairo-Pite Quinta feira nee hodi ko’alia kona ba atividades Governu nian no mos viagem Xefe Estado ba Singapura.

“Ohin enkontru semanal ho Prezidente Da Republika, Jose Ramos Horta koalia uitoan kona ba aktividades Governo nian no vizitas sira ne’ebe sua excelensia sei hala’o viagem ba Singapura”.( dehan xefe Governo hafoin enkontru semanal ho Prezidente Da Republika Jose Ramos Horta iha Palasio presidensial Bairo-Pite Quinta feira 1/12)

Tuir Primeiru Ministru Taur Matan Ruak pedidu ne’ebe hato’o ba Presidente da Republika maka oinsa atu hametin relasaun entre nasaun Singapura no mos pais ne’ebe iha Asean ninian.
“Ita hatene Asean aseita em prinsipiu ita nia Adezaun, ita halo preparativos hotu servisu hamutuk ho sira Diak para que ajuda ita nia Adezaun ne’e lais”. (afirma Xefe Governu Matan Ruak)

Governante ne’e mos esplika, vizitas Singapura ne’e diak tanta Singapura ne’e nasaun ida que investe makas iha ita nia Rai foin lalais pelican paradise ne’e Singapura no Malasia .
Enkuantu iha loron 21 Fulan novembru Parlamentu Nacional deside fo autorizasaun hala’o vizita ba estado Republika Singapura ho votus afavor 46, kontra 0, no anstensaun 0.
Entertantu Presidente Da Republika Jose Ramos Horta sei halao viagem ba Republika Singapura hahu iha loron 6 Fulan Dezembru tinan 2022.

Jornalista : Vinsensius saldanha Morais De Araujo.