Selebra Aniversariu RKDTL, SEKOMS Husu Hapara Palavra Diskriminativu Sira Hasoru EhD

SAPNewsTL, DILI – Ràdio Komunidade Defisiensia Timor – Leste (RKDTL) Selebra Aniversário ba dahuluk ho tema ” halekar liafuan difisiensia iha ondas laloran”, objetivu husi atividade ne’e mos atu labele haluha Radiu Komunidade Defisiensia Timor Leste, SEKOMS Mericio Juvinal Akara husu ba ema hotu atu evita uza liafuan sira hanesan matan aat, tilun aat, ain aat, bulak, bilan, maubeik ba maluk sira ema ho defisiensia iha Timor Leste

“Objektivo Aniversáriu ba loron ohin nian oinsa atu halibur fila fali maluk sira ne’ebe husi organizasaun defisiensia ida idak tanba dala barak ne’e sira haluhan entaun ho Aniversário ne’e ami bele bolu sira mai hamutuk, nune’e ba futuru oin mai sira iha aktividade organizasaun sira mos labele haluhan Radiu Komunidade Difisiensia Timor Leste”. Dehan Diretora RKDTL Ermerenciana Alves ba jornalista sira iha edifisiu RKDTL Fatuhada.(Quarta 30/11/2022).

Diretora ne’e mos husu ba parte guvernu inklui organizasaun hotu atu tulun no tau matan ba Radiu Komunidade Defisiensia Timor Leste ba futuru
” Husu ba parte governo nomos organizasaun sira hotu ba oin oinsa atu tulun mos RKDTL liuliu iha failansu sira, labele husik radio RKDTL, maibe tenke tulun mos liuliu ba difikuldade sira ne’ebe mak ami hasoru”. nia haktuir

Iha fatin hanesan Sekretariu Estadu komunikasaun Sosial Mericio Juvinal Akara katak, Governu liu husi MAPKOMS hakarak fasilita meius komunikasaun hot-hotu timor oan liuliu maluk difisiente sira bele asesu formasaun, informasaun no komunikasaun

Governu nia komitmentu atu fo asesu meios komunikasaun laos kovensional radio television deit maibe inklui mos media digital hot-hotu hanesan instagram, facebook, Youtube, ne’e tenke sai meius komunikasaun ba ema hotu ba timoroan hotu inklui maluk difisiensia sira.

Guvernante ne’e mos husu ba ema hotu atu evita uza liafuan sira hanesan matan aat, tilun aat, ain aat, bulak, bilan, maubeik ba maluk sira ema ho defisiensia iha Timor Leste
“Apoiu ba maluk difisiensia Sira ho kampanha, ha’u representate governu husu ba maluk timor oan hotu-hotu no hahu Agora ba oin ita tenki uza termo ida ne’ebé mak valoriza liu ba maluk difisensia sira hanesan termu ne’ebé mak ita uza hodi koalia ba maluk difisensia sira difisensia matan, difisiensia tilun, difisensia fisiku difisensia saude psikososial difiseinsia intelektual, husu ba maluk sira evita liafuan ou termu sira hanesnan matan aat, tilun diuk, ain att, bulak, bilan maubeik ba ema seluk”. nia sublinha

Enkuantu, selebrasaun ne’e hetan partisipasaun husi Sekretariu Estadu komunikasaun Sosial Mericio Juvinal Akara, Xefe Gabinete MAPKOMS, organizasaun difisiensia sira, ADTL, RHTO inklui Organizasaun sira seluk

Jornalista : Aquilina Taec & Antonio Tilman