Fulan Janeiru 2023, SSMD Rejistu Ema Moras Dengue Nain-17

SAPNewsTL, Dili: Servisu Saude Munisipiu Dili (SSMD) iha fulan janeiru hahu husi semana dahuluk tama ba datoluk tinan 2023, rejistu kazu dengue hamutuk 17 iha Postu Administiva haat

“Agora dadauk servisu saude munisipiu Dili rejistu ema moras dengue hamutuk nain-17, kazu maka ita hetan husi semana dahuluk to’o datoluk fulan janeiru tinan 2023 iha kapital Dili ne’e maibe hot-hotu rekopera”, dehan Diretora SSM-Dili, Maria Seguradu iha Maubara Room Timor Plaza, Comoro, Dili kuarta (18/01/2023).

Diretora hatutan, kazu dengue ne’ebe mak sa’e ne’e nafatin iha kapital Dili liu-liu iha Postu Administivu haat maka Postu Administivu Dom-Aleixo inklui iha Suku Comoro, Veira- Kruz ho Nain Feto, Kristu Rei, kompara rejistu kazu dengue ho tinan kotuk haree ba ninia siklus ne’e, iha tinan kotuk aas liu iha tinan ida ne’e, intervensaun iha nafatin husi ekipa edukasaun saude ninian depois distruisaun kimiku ba kombate susuk ne’e no mos atende nafatin sira ne’ebe maka hetan ona dengue

Nia informa, atendementu ba moras iha Sentru Saude sira hotu liu-liu iha Sentru Saude Komoro maka hare espasu kama 10 ne’e maka lasufisiente no mos refere fali mai iha Vera-kruz maka labele ona, alternativu ikus sira haree fila fali Tasi-Tolu tanba fasilidade iha ne’eba iha tolu A, B no C, ne’ebe iha A maka kondisaun ladiak no B ho C iha kondisaun hodi bele alerta karik iha kazu ruma.

Jornalista: Antonio Tilman