Konsulta Ba Moris Populasaun, OMK-TL Konsidera TL Sai Avansadu Iha Prosesu

SAP NewsTL, Dili: Organizasaun Mundial Komersio Timor Leste (OMK-TL) hala’o konsultasaun husi autoridade Munisipiu Dili nian prezidente autoridade, administrador postu, xefe suku no kargu xefia sira ne’ebe pertense ba munisipiu Dili nian tanba populasaun munisipiu Dili ne’ebe hanesan kapital ba nasaun Timor-Leste hasoru problema barak
“Munisipio Dili sai hanesan munisipiu no mos kapital ba nasaun iha Timor Leste, Ita hasoru mos asuntu no problema barak ita tenta atende nafatin maski fahe tempu mak la to’o ne’ebe hein kontribuisaun diak husi parte munsisipiu nian hotu liuliu administrador postu, xefe suku no xefi diresaun sira hamutuk polisia sira para hodi haree liu ba populasaun sira iha munisipiu Dili nia moris no sira seluk tanba munisipiu hanesan mos kapital ba nasaun Timor leste”, dehan prezidente autoridade munisipio Dili Guilheminha F. Ribeiro ba jornalista sira iha salaun enkontru munisipiu Dili kuarta (18/ 01/ 2023).

Prezidente hatutan, konsultasaun ne’e importante tebes karik bele halo iha nivel munisipal para rona hotu ba komunidade sira nia preokupasaun atu nune’e bele foti buat ruma neebe diak liu ba oin, ba ekipa tomak ne’ebe mak mai halo konsultasaun ho autoridade munisipiu Dili nian katak prosesu ne’e iha tempu naruk nia laran no husu ba autoridade suku sira tenki iha ligasaun diak ho OMK nian hodi hala’o atividade sira hotu ba komunidade sira

Iha fatin hanesan asesora ekonomia MCAE Maria Martin da Silva hatete, iha prosesu lubuk ida prosesu nivel tekniku ne’ebe timor Leste presiza halo para hola parte iha governasaun mundial komersiu nian ne’ebe sei iha faze negosisaun nian.

“Iha prosesu lubuk ida, prosesu nivel tekniku ne’ebe timor Leste presiza halo para hola parte iha governasaun mundial komersiu nian ne’ebe sei iha faze negosisaun nian, iha mandatu ne’ebé espesifiku kona ba ekipa no membru governu lubuk ida mak hola parte iha atividade ida ne’e hanesan komprimisiu 8 governu konstituisional nian ne’ebe bele hola parte iha governu mundial nian”. Tenik asesora

Nia informa, Timor-Leste mos kria despaixu husi primeiru ministru nian ne’ebe mak hetan alterasaun dahuluk iha fulan junu 2021 hodi kria komisaun intermisterial no grupu trabllu tekniku ba divizaun Timor Leste nian ba organizasaun mundial komersiu nian ne’ebe iha komisaun ministerial mak kompostu husi ministru nain 9 no kria mos grupu trabllu tekniku kompostu husi grupu negosiador kompostu husi sekretariu estadu 2 no ajensia autonomia 7, Laos deit husi ministeiru ida ka ajensia sekretario ida maibe prosesu ne’e mai ho total ministeiru no ajensia sekretariu estadu hamutuk 15 ne’ebe mak hola parte iha organizasaun mundial komersiu Timor Leste ninian.

Asesora afirma, Objetivu prinsipal husi organizasaun mundial komersio nian hanesan ajensia entre governametal ida ne’ebe regula komersiu internasional ho nia objetivu prinsipal lima mak asegura atividade komersio la’o ho lais, transparente, livre tuir posibilidade, adminstra kriasaun husi akordu komersial sira komersio bens nian, forum ba organizasaun mundial, plataforma komersio nian, komersial no koperasun tekniku

Entretantu membru husi organizasaun mundial nian nasaun hamutuk 164 mak daudaun ne’e suporta organizasaun ne’e, organizasaun mundial komersio nian hamutuk 25 inklui Timor Leste no husi prosesu ne’e rasik Timor Leste sai hanesan nasaun ida ne’ebe avansadu liu iha prosesu ba organizasaun mundial komersio nian, kompara ho nasaun 24 ne’ebe hanesan observador ba komisaun organizasaun mundial komersio nian.

Jornalista : Antonio Tilman