Pessoal Médiku Halo Kobransa Ba Kandidatu Traballador, Reitor UNPAZ Konsidera Ne’e Krime

Imajem Pessoas Mediku simu osan husi kandidatu traballador na’in tolu ne’ebe atu ba servisu iha Korea do Sul.

SAPNewsTL, Dili : Relasiona ho Pessoal Médiku ne’ebe halo kobransa ilegal ba kandidatu traballador nain toluiha loron hira liu ba, ne’ebe daudaun ne’e sai viral iha públiku no sosiedade preokupa, Reitor Universidade da Paz (UNPAZ) konsidera ne’e aktu individual ne’ebe la representa instituisaun, aktu ne’e bele prosesa tuir dalan legal

“Ita bele halo Profisionais Médiku iha Partidu Polítiku sira, maibe profisionais sira ne’e tenki hala’o sira nia servisu tuir Job Discription ne’e iha, kazu ne’ebe agora viral katak médiku balun ne’ebe halo kobransa ba ita nia joven balun ne’ebe atu asesu kampu de traballu iha rai-liur, ne’e hatudu katak atendimentu ba públiku ba joven sira seidauk diak

Reitor ne’e akresenta, situasaun ne’e fo hanoin ba guvernu, guvernu presiza haree, guvernu dehan buat hotu-hotu diak hela, maibe realidade iha prátika, guvernu la halo sistema kontrolu ba diresaun hotu-hotu,

“Ida ne’e fo hanoin ba guvernu, guvernu dehan buat hotu-hotu diak hela, maibe realidade iha prátika, guvernu la halo sistema kontrolu ba diresaun hotu-hotu, ikus mai iha problema, ne’e hatun imajem profisional saúde sira, tanba ema ida mak halo, ema jeneraliza ba Ministériu Saúde tomak”.

Imajem Reitor UNPAZ Adolmando Soares Amaral

Adomando konsidera ne’e aktu individu la’os instituisaun, dala ruma saláriu ba profisionais saúde sira mínimu atus hitu ($ 700) ba leten, laiha saláriu ida iha $ 500 mai kraik

“Aktu ida ne’ebe Médiku ne’e halo, ne’e aktu individual, la representa instituisaun, sa tan ministériu saúde, nune’e tenki prosesa nia tuir dalan legal, tanba doutor hotu-hotu hetan saláriu kiik liu maka $ 700 kada fulan, saláriu ne’e sufisiente ona para sira moris  no halo atendimentu diak ba públiku, se nia halo fali kobransa ne’e krime, ema ne’e tenki prosesa”. Nia dehan

Nia hatutan, se haree ba video ne’ebe viral ho evidiénsiaa forte, ministériu públiku bele halo akuzasaun tuir lei no Ministra Saúde (Odete Maria Freitas) uza ninia kompeténsia hodi bele demite nia husi ninia knaar provizóriu hodi tuir julgamentu

Entretrantu, Pessoal Saúde ne’ebe halo kobransa ilegal ne’e, halo hasoru kandidatu traballador ne’ebe tuir teste saúde hodi ba servisu iha Korea do Sul, Portantu, kada traballador fo $ 100, maibe kandidatu traballador na’in tolu ne’e fo $ 80 ba Pessoal Médiku ne’e, maibe Pessoal ne’e fo flexibilidade ba sira nain tolu

“Imi Na’in tolu hakarak fo deit pulsa nian ka, mina nian ka, depende imi nain tolu, la fo mos laiha buat ida, importante imi nia segredu ho ha’u, ema seluk hatene, ha’u hatene imi na’in tolu”. Dehan Pessoal Médiku

Jornalista : Conzita Mota