Resensiamentu Sei Remata Iha 31 Marsu, Rosa Ho Idade 81 Trata Eleitoral
Imajem : Rosa Alves ho idade 81 ne’ebe partisipa iha Resensiamentu Eleitoral, Iha Luro-Lautem, 24/03/2023
SAPNewsTL, Lautém : Sidadaun Rosa Alves Ho Idade 81 Hela Iha Suku Luro Postu Administrativu Luro, Munisipiu Lautém Partisipa iha Resensiamentu Eleitoral, Hafoin Halo Kartaun Eleitoral Avó Rosa Alves Haktuir, Wainhira Nia sei Forsa, Nia hakarak ba hodi vota, tánba konsidera votu ida Importante ba nasaun Nia Futuru
“Ohin, Ha’u Mai Halo, Ha’u Nia Eleitoral, tanba Ha’u Nia Eleitoral tuan Liu Ona, Ha’u Hakarak tuir pemelu Ka Eleisaun ikus tinan ida ne’e, Wainhira Ha’u sei Forsa, Ha’u lakohi Ha’u Nia votu ne’e lakon leet deit”. Dehan Avó Rosa Alves ba Jornalista SAPNewsTL iha Salaun Administrasaun Postu Administrativu Luro, Munisipiu Lautém, 24/03/2023
Rosa Hatutan, “Maske Ha’u otas ba Daudaun, Maibe Ha’u Nia Esperansa ba oan no beioan Sira la badak, Kontinua iha nafatin. Ami nia idade tuan ona, Ami hakarak Kontribui ba nasaun, Maibé Ami Nia Forsa Hahú mihis ba Daudaun, tánba ne’e husu ba joven sira hodi kontribui buat ne’ebé imi bele ba Ita Nia rain”. Hatete Rosa
Avó ho idade ualunulu resin ida ne’e mos husu ba Jovens Sira Partisipa iha Resensiamentu Eleitoral, tanba imi jovens Sira Nia tempu sei naton no naruk
“Imi Oan Sira tenki halo mos imi Nia Eleitoral, tanba futuru nasaun iha imi Oan Sira nia Liman, Ami Nia Tinan badak ba Daudaun, imi Nia tempu Mai Daudaun, ita tenki buka kontribui, imi tenki eskola Didiak, estuda makaas hodi kaer Metin no servi Ita Nia rain”. Nia fundamenta
Rosa Alves moris iha Luro, 07 Fulan Agustu Tinan 1942 iha tempu Japonês (1942-1945). Avó ne’e Konta Momentu Ne’ebe Difícil Mak Tempu Japonês, Mai Tempu Kolonial Português no Tempu Indonésia, Tempu ne’ebé fasista, tempu Ne’ebe nakonu ho injustu no Violasaun. Ohin Loron tempu Diak, Timor oan Sira presiza uza tempu Diak ne’e hodi halo Diak liu tan ba nasaun nia Desenvolvimentu
Enkuantu, Resensiamentu Eleitoral ne’e sei termina iha loron 31 Fulan Marsu tinan ne’e. Nune’e Informa ba sidadaun sira ne’ebé ho idade 17 ba leten hodi Hakbesik an ba sentru Resensiamentu ne’ebé besik hodi Halo Kartaun Eleitoral Hanesan Sidadaun Siviku no responsabilidade
Jornalista : Luis Pailofo