Kampanha Transmite Edukasaun, PST Alerta ParPol Labele Tolok & Bosok Ema
Imajem : Talk Show ho Presidente PST Avelino Coelho, iha Sede Nasionál PST, Balide Dili, 30/03/2023
SAPNewsTL, Dili : Iha ámbitu talk show ho Mídia SAPNewsTL kinta feira ne’e, Presidente Partidu Sosialista de Timor (PST) Avelino Coelho husu atu ema hotu bele konkretiza valor sosializmu, humanizmu no fraternu iha kampanha eleitoral
“Ami alerta ba Militantes Partidus Polítikus hotu atu labele bosok, tolok no insulta ema iha kampanha, labele halo polítika odiu no vingansa, tenki iha sentimentu humanu no kuda valor sosializmu popular iha sosiedade nia leet, ami PST sei la insulta parte ida, maibe ami nia prediksaun katak kampanha mai ida ne’e mak sei repete situasaun sira hanesan uluk”. Dehan Presidente PST Avelino Coelho iha Sede Nasionál PST, Balide Dili, 30/03/2023
Avelino hatutan, “Ita labele lakon esperansa iha prosesu edukasaun polítika, se partidu balun fo osan karik, simu tiha vota ba partidu ne’ebe apresenta ninia projetu polítika no partidu ne’ebe fiar”. Nia haktuir
Nia fundamenta, ba oin se possivel ba futuru tenki iha lei ne’ebe bele regula partisu polítiku sira, partidu sira ne’ebe insulta ema iha kampanha, tribunal bele deskualifika, mesmu nia registu ona, para eleisaun mai fali nia labele tuir
Entretantu, Presidente PST Avelino Coelho komfirma PST apresenta ho programa rasik no kandidatu rasik ba Primeiru Ministru nu’udar alternativu ba libertasaun povu ne’ebe total no komleta tuir projetu politiku no vizaun politika partidu nian, wainhira hetan vitoria iha eleisaun parlamentar tinan tinan ne’e PST prontu hodi hadia rai ne’e
“PST hakarak fo poder lokal ba munisipiu no suku, tanba desentralizasaun mak dalan hodi desenvolve povu nia moris katak estadu laiha rai, rai povu nian, povu mak nain ba buat hotu, estadu mak povu no povu mak estadu, PST mai ho programa rasik no kandidatu rasik ba primeiru ministru, wainhira povu fo fiar ba ukun”. nia informa
Lider PST ne’e husu ba povu Timor Leste hodi hanoin didiak, deside iha minutu ida hili partidu ne’ebe bele lori mudansa no hadia rai ida ne’e, Enkuantu Lider ne’e mos husu ba Estrutura Brigade Revolusionáriu sira iha teritóriu nasionál hosi kontinua sensibiliza no konsensializa povu agrikultor sira, inan aman sira no joven sira hodi determina nasaun nia futuru iha eleisaun loron 21 Maiu 2023
Jornalista : Anina Martins