Jesus Kasu Mundu Nia Salan Ho Mate, Sarani Katólika Selebra Ho Via-Sakra

Imajem Sarani Katolika hala’o Via-Sakra Iha Golgota, 07/04/2023. Foto : Grigorio Saniba

SAPNewsTL, Dili: Relasiona Ho Festa Paskoa Ne’ebe Mundu Tomak Selebra Kada Tinan Hodi Hanoin no refleta ba Jesus Kristu Nia Terus, Susar, Hewai no Mate, Iha Loron Sexta Feira Santa ne’e sarani Katólika Timor Leste Rihun Ba Rihun Hala’o Via-Sakra no Peregrisaun husi Gruta Ave Maria To’o Foho Golgota Kampu Baru Dili

Iha Via-Sakra ne’e sarani sira halo Orasaun, Kanta, Venerasaun, lê narativa Jesus Kristu Ninia Hodi Refleta ba Terus no Mate Ne’ebe Jesus Kristu Hasoru Nu’udar Maromak Oan

“Ohin, sarani katolika iha   mundo tomak hodi hanoin hikas Jesus nia terus no mate iha krus, tempu paskua Sarani Sira halo Viasakra  hodi adora  liu husi lee estasaun no reza tersu to’o iha krus boot, ohin Importante  tenki hodi halo jejun, sakrifisiu,  La’o ain tanba Jesus laiha sala maibe nia terus mate iha krus tanba ita ema nia sala”, Dehan Juvita Baptista Jornalista sira iha Golgota, 07/04/2023

Imajem : Juvita Baptista

Feto Foinsa’e  ne’e mos husu joven sira hodi hadera an, halo refleksaun ho klean, oinsa hadia iha liafuan aat sira, hahalok aat sira hodi halo tuir fali maromak nia hakarak liu husi perdua malu, tulun malu, servi malu no haraik an ba malu iha moris lor-loron nian

Iha fatin hanesan, Foinsa’e Andre Alves  hatete sarani diak iha dever ne’ebe tenki hatene an, labele halo odiu no vingansa ba ema seluk iha moris ne’e

“Nu’udar sidadaun no kristaun iha dever hodi hakribi ninia salan, karik Halo problema ruma tenki hatene an nu’udar sarani labele rai odiu ba malu, badinas ba misa hodi rona maromak futar liafuan no metin nafatin iha fiar no hahalok  ba maromak”. Nia hatete

Imajem : Andre Alves

Membru Konsellu Pastoral husi Paroquia Maria Auxiliadora Mateus Soares Maia hatutan Sarani katólika tenki halo tuir duni buat ne’ebe Jesus hatudu katak Jesus  la’os ema sala nain Maibe  terus tanba ema Hotu nia sala

“Ita nu’udar ema kriatura sempre la ses husi sala, maibe ita tenki hanoin hikas Jesus nia terus, mate no moris hias, loron ohin importante ba ita hotu-hotu nu’udar sarani katólika tenki halo tuir duni buat ne’ebe Jesus hatudu katak Jesus  la’os ema sala nain Maibe  terus tanba ema Hotu nia sala”. Haktuir Membru Konsellu Pastoral husi Paroquia Maria Auxiliadora Mateus Soares Maia

Imajem : Membru Konsellu Pastoral husi Paroquia Maria Auxiliadora Mateus Soares Maia

Tuir Observasaun Jornalista SAPNewsTL iha Terenu nota katak Via-sakra ne’e Halo hetan Partisipa maksimu husi Labarik Sira, Foinsa’e Sira, Joven Sira, Adultu, Ferik no Katuas Sira, akolitos sira inklui sira seluk Ne’ebe fahe ba Grupu bar-barak tanba ema rihun ba rihun Mak Hola parte iha proseisaun refere

Entretantu, Iha Peregrisaun ne’e mos hetan Asegura Husi segurança Polisia Nasional Timor Leste (PNTL), Inklui Parte Segurança Sira husi Grupu Kategorial Igreja nian Hánesan Tunggal Hati Semináriu, Tunggal Hati Maria (THS-THM), Grupu Eskuteiru Timor Leste no seluk tan

Iha Jornada Via-Sacra Tinan ne’e, Sarani Sira Kontinua hatudu Fiar, Laran Namkraik, Hakraik An, Disciplina no Unidade husi estasaun Dahuluk To’o Dahiku. Portantu Iha Proseisaun ne’e mos hetan akompanha husi Padre, Madre no Frater SiraHanesan Sarani  katolika   hatete ohin loron  mai partisipa iha Viasacra ida ne’ e importante ba ita Hotu nudar fiar katolika Sarani  Hatete senti Tristi  ba Nai Jesus Nebe Terus iha krus  tan  ita ema nia sala ema sala nain tenki hakribi sala hodi fiar ba jesus

 Jornalista : Goris Saniba