![ADTL Preokupa Governu La Prepara Kondisaun Ba EhD Iha ELPAR 2023 ADTL Preokupa Governu La Prepara Kondisaun Ba EhD Iha ELPAR 2023](https://sapnewstl.com/wp-content/uploads/2023/04/IMG_20230428_002402.jpg)
ADTL Preokupa Governu La Prepara Kondisaun Ba EhD Iha ELPAR 2023
Imajen: Diretor Ezekutivu ADTL Cesario da Silva.
SAPNewsTL, Dili: Asosisaun Defisiensia Timor-Leste (ADTL) preokupa governu liu husi Sekretariu Teknika Administrasaun Eleisaun (STAE) no Komisaun Nasional Eleisaun (CNE sigla portuges) la prepara kondisaun diak ba Ema ho Defisiensia (EhD) iha Eleisaun Parlametar (ELPAR) 2023.
“Ami preokupa no triste sentru votasaun iha teritoriu nasional governu la kria rampa ba EhD sira maibe ami enkoraja tebes atu EhD sira atu partisipa iha eleisaun parlametar agora hodi ezerse sira nia votu ba partidu ne’ebe hakarak maski tuir lolos STAE ho CNE kria kondisaun maski lei ne’e prezidente la promulga tanba fasilita rampa no kondisaun sira seluk hanesan halo badak kabina votasaun la presiza hein lei”, dehan diretor ezekutivu ADTL Cesario da Costa ba jornalista sira iha salaun Delta Nova, Dili kinta (27/04/2023).
Diretor hatutan, sira husu ona STAE ho CNE kria kondisaun la ba ema hotu maibe ba EhD sira ho kursi roda ne’ebe sira presiza tebes mellora kondisaun atu nune’e sira bele ezerse direitu votu segredu ho dignu tanba espetasaun sira garante EhD sira sei partisipa eleisaun parlamentar agora ho masimu tanba sira halo ona sosializasaun ba EhD iha konsiensia ba vota tab ne’e governu presiza kria kondisaun iha sentru votasaun sira no hare’e limitasaun ba EhD sira hanesan dok husi sentru votasaun no karik mosu situsaun udan atu nune’e EhD sira partisipa eleisaun parlamentar 2023 ho dignu.
Cesario informa, kona ba kondisaun ba EhD sira ADTL halo diskusaun barak ona ho CNE no STAE to’o prezidente veta lei ba eleisaun tinan ne’e maibe iha kondisaun balun ne’ebe la presiza hein lei maibe STAE Ho CNE difikuldade iha finanseiru no ADTL mos husu ba sosiedade sivil sira ne’ebe tenta ona atu hare’e parte balun ne’ebe sira iha kbi’it atu tulun mellora kondisaun atu EhD sira ezerse sira nia direitu votu ho fiar an no dignu.
Reportajen: Augusto dos Santos