SEJD Fo Konfiansa Ba APFTL Organiza Formasaun Ba Membru Parlamentu Foinsa’e

SAPNewsTL (Dili) –  Sekretaria Estadu Juventude Desportu (SEJD) Fo Konfiansa Ba Alumni Parlamentu Foinsa’e Timor-Leste (APFTL) Mobiliza no Organiza Formasaun Lideransa Báziku, Jornalizmu Báziku no Emprendedorizmu Sosial ba Membru Parlamentu Foinsa’e ualunu resin iha Kapitál Dili

ʺTuir Presidente Alumni Parlamentu Foinsa’e Timor-Leste (APFTL) Zaulino Gomes da Silva hateten ʺPrograma Parlamentu Foinsa’e ne’e governu ninia programa ne’ebe haríi ho base Resolusaun Governu númeru 23/2009 ho alterasaun resolusaun númeru 47/2017 ne’ebé ho resolusaun ne’e fo biban ba governu liu husi Sekretaria Estadu Juventude Desportu (SEJD) atu toma responsabilidade, entaun SEJD fo konfiansa mai APFTL téknikamente organiza no mobiliza alin sira ne’ebé mai atu partisipa iha formasaunʺ. Tenik Presidente APFTL Zaulino Ba Media SAPNewsTL, Salaun Katedral Dili, 05 Maiu 2022

ʺIha tinan ida ne’e ita hahú inisiu formasaun ho materia lideransa báziku, jornalismu báziku no emprendedorismu social ho hanoin ida katak materia sira ne’e sei kontribui ba desenvolve sira nia nivel koñesimentu oinsa bele iha skill ba iha leadership skill, jornalismo básiku para labele konsumo informasaun sira ne’ebé maka laloos  no labele kontribui mos ba fahe informasaun sira ne’ebé laloosʺ.

ʺObjetivu husi formasaun ida ne’e pelu menus sira iha rasik análize krítiku ida antes de konsumo informasaun ruma no iha skill,  wainhira sira rasik hakerek informasaun ruma sira hatene ona oinsa uza teoria jornalismu nian hanesan 5WH1(What, When, Where, Who, Why and How) hodi bele halo Publikasaun no identifikasaun ba informasaun sira ho lolosʺ. Nia Informa

Iha fatin hanesan Sekretaria Estadu Juventude Desportu (SEJD) Abão Saldanha hateten ʺAktividade ohin ne’e kontinuasaun ba formasaun ba Parlamentu Foinsa’e ba iha époka ida ne’e nian, ita halo tiha ona formasaun iha tinan kotuk agora ita kontinua nafatin fo formasaun to’o tinan ida ne’e remata mak foin hotuʺ. Dehan Sekretaria Estadu Juventude Desportu (SEJD) S.E Abrão Saldanha

 ʺParlamentu Foinsa’e Hamutuk 132, ohin ualunulu resin mak mai uluk, no haatnulu resin ne’e sei mai fali tanba sira iha problema ho horáriu eskola nian, balun agora iha tiha ona universidade entaun sira nia horario la hanesan ho sira ida mai husi ensinu sekundariu geral no Ensinu Tékniku Vokasionál, Entaun organizador sira ho Sekretaria Estadu Juventude Desportu (SEJD) sei organiza fila fali formasaun ida ba sira ne’ebé seidauk hetan formasaun ne’eʺ.

Enkuantu, Sekretaria Estadu Juventude Desportu (SEJD) Abrão hatutan ʺMembru Parlamentu Foinsa’e sira ne’e mai husi Posto Administrativo ida-idak, Postu ida ema nain rua inklui maluk sira ho dificiénsia nain rua. ita rekruta husi Posto sira mai depois sira mai tuir formasaun iha ne’e, depois de sira fila fali kontinuasaun formasaun iha sira nia município, sira nia eskola no sira nia komunidadeʺ. Nia hakotu

Jornalista : Sergio Delekuar

Editor : Luis dos Santos