MOFA Hakarak Hahoris Foinsa’e Revolusionáriu Ba Konstrusaun Estadu

Dili – Movimento Foinsa’e Atsabe (MOFA) Hala’o semináriu introduz visaun ho misaun ba Atsabe oan sira hodi hatur no hametin nia ezisténsia iha sosiedade Timor-Leste hodi defende Sosiedade  Igualitáriu, Solitáriu, Ekilibriu no Justu ba ema hotu

Tuir fundador MOFA Igitro dos Santos hateten nia orgulho los bainhira hasoru malu ho raan foun, jerasaun foun no raan lutador atsabe nian.

“Ne’e duni ho ita nia presensa ida ne’e, fo esperansa boot ba vitoria ita nia luta nian. Ita luta ne’e iha ne’ebé antes atu hahú hau fo perguntas rua; primeiro tanba sa Mofa ne’e mosu, segundo Mofa  ne’e mosu atu halo saida no atu hodi ita ba ne’ebé. Atu hatan ba perguntas ida ne’e há’u hakarak foinsa’e sira hili diferente ida ne’e há’u hakarak mai husi suku 12 ne’ebé kompostu Posto Administrativo Atsabe.” Dehan fundador Igitro dos Santos ba jornalista SapnewsTL iha fatin Xanana Reading Room (XRR) sexta (06/05/2022). 

Fundador hatutan katak, ʺita halo analiza ba kotuk situasaun ida agora exige ita nain hira nia responsabilidade no determinasaun tanba sa kuandu hare ba kotuk MOFA atu mosu hamutuk ho kolega lubuk ida ne’ebé oras ne’e hamriik iha ne’e halo observasaun ida ba ita nia sosiedade Atsabeʺ.

“Primeiro problema ne’ebé mak ita hetan husi ita nia sociedade Atsabe mak ita nia sociedade, em partikular ka sociedade selenciada demais ita hare ba ida ne’e foti aspektu tolu ne’ebe importante ba ita nia sosiedade, problema ida mak ita nia kultura, segundo mak ita nia problema iha aspektu ekonómia, Terceiro mak ita nia problema aspektu social.” Hakotu nia.

Presidente MOFA ne’e afirma, ʺMOFA hakarak hahoris foinsa’e ida revolusionariu ba konstrusaun estadu, Mofa hakarak sosiedade ida igualitáriu, Solitáriu, ekilibriu, justu ba Timor oan hotuʺ.

Enkuantu seminariu ne’e, hetan partisipasaun maksimu husi Joven Atsabe oan sira husi suku sanulu resin-rua iha Postu Administrativu Atsabe Munisipiu Ermera.

Jornalista : Benezia Cai Buti dos Reis

Editor : Ekipa Kobertura