Embaixadora Turizmu Ba Ema Hotu Sosializa  Polítika Nasionál Turizmu  no Limpeza Geral

Dili SapnewsTL, Embaixadora Turizmu ba Ema Hotu Halo Sosializasaun Politika Nasional Turizmu Timor-Leste no halo Limpeza Geral Iha Timor Top Dili, Embaixadora Turizmu Ba Ema Hotu Maria Pereira hateten, Maske ita aprende teoria barak, maibe ita mos presiza halo pratika liu husi asaun simples sira hanesan limpeza geral.

Tuir Embaixadora Turizmo ba ema hotu ao mesmo tempu hanesan Estudante UNTL(Universidade Nasional Timor-Lorosa’e )Maria Pereira  hateten katak ohin Realiza Aktividade ida Ho naran Sosializasaun Politika Nasional Timor-Leste no Limpeza Geral. Dehan Embaixadora Turizmo ba ema hotu, Maria Pereira ba jornalista SapnewsTL iha Timor Top Sábadu (07-05-2022).

“Kona ba Limpeza nian hanesan Aktividade ida ne’ebe segundu hosi ami nia atividade ohin loron no ami nia atividade limpeza nian hanesan Maneira ne’ebe atu hateten katak duke ita  fo hanoin, fo materia husi teoria katak ita fo materia konaba Sosializasaun Politika Nasional Turismo iha ne’ebe eziste pilar lima 5, hosi pilar lima ne’e, iha pilar ba Datolu 3 ko’alia kona ba Protesaun“.

“Nune’e, ita Aprende teoria barak ha’u hanoin presija mos pratika balun maske pratika ho maneira simples hanesan limpeza geral”.

Maria mos hatutan katak “ha’u hakarak hato’o ba maluk Timor oan sira hotu Liuliu ba belun Foinsa’e Sira hotu Tamba belun Foinsa’e sira sempre ativu los iha fatin ne’ebe deit ha’u hakarak dehan deit ita Nu’udar Foinsa’e ha’u hanoin ita presija hahú asaun ruma hosi agora, se la’os agora, bainhira tan,Se laos ita se los“.

“Buat ne’ebe ita bele halo no kontribui ba Desenvolvimento Timor-Leste nian Buat simples deit mak ita tenke tau foer iha nia fatin atu nune’e bele haburas no hamatak ita nia nasaun ida ne’e“.Hakotu nia.

Enkuantu Atividade limpeza geral ida ne’e hetan involvimentu makaas husi foinsa’e feto no mane sira iha Kapital Dili ho hanoin ida hakarak garante ambiente ne’ebe moos no seguru ba ema hotu iha Timor-Leste.

Reportagem: Justino De Jesus Soriano

Editor: Benezia C.Dos Reis, Conzita Mota.