Joven Hatene Hala’o Domin Maibe La Hatene Asume Responsabilidade
Dili – Kasu Tentativu Homesidu ka hahalok soe bebe ne’ebe akontese iha area Aitarak Laran Aldeia Haburas Suku Motael Orseik Polisia Cientifika Investigador Criminal (PCIC) konsge deteta no asegura ona.
Tuir informasaun husi Xefe Investigador Polisia Cientifika Investigasaun Criminal(PCIC) Octavio da Silva Araujo hateten katak akontesimentu ne’e iha loron 08/04/2022 iha horas 10:15 dader informasaun ne’e sira hetan, PCIC destaka kedas iha fatin akontesimentu.
“Iha loron 08/04/2022 iha horas 10:15 servisu Polisia Cientifika Investigador Criminal simu informasaun husi komunidade katak sira hetan mate isin ida bebe iha area Aitarak laran aldeia Haburas Suku Motael ami simu tiha informasaun PCIC tun kedas iha lokal hodi halo exame liu exame abito externa objetivu atu identifika sinais transitu de morte ne’ebe mak mosu iha matebian bebe nia isin lolon”. dehan Octavio Da Silva De Araujo Ba Jornalista Iha Nia Kna’ar Fatin PCIC Segunda –Feira (09/05)
PCIC halo tiha exame sinais transitu hotu hodi identifika kedas suspeitu bebe nia inan iha loron akontesimentu.
“PCIC halo tiha exame transitu de morte transporte kedas bebe nia mate isin ba hospital Nasional Quido Valadares hodi kontinua exame abitu externa ka normalmente bolu dehan otopsi ba labarik nia mate isin alende nee mos PCIC kontinua tenta buka tuir lokaliza autor ne’ebe mak so’e bebe”. Hatete Araujo.
Entretantu iha loron ne’e kedas PCIC identifika autor so’e iha 05 horas nia laran.
“Ekipa kontinua kedas tenta no buka tuir lokaliza autor ne’ebe so’e bebe Iha dentro 05 horas nia laran iha horas 03:30 identifika kedas autor ne’ebe so’e bebe refere ho inisial MJ ho idade 19 husi Munisipiu Bobonaru foin mak mai iha dili fulan rua”.
“Kondisaun autor ka suspeitu lapermite tanba foin pos partus remata, equipa transporta kedas autor ba halo tramentu iha hospital observasaun diretamente husi doutor no PCIC iha hospital refere agora dadauk sei iha tratamentu no fo saude di’ak ba nia”. Octavio Acresenta.
“Polisia Cientifika Investigasaun Criminal(PCIC) kontinua halo registu iha prokurador geral ne’ebe nain ba aksaun penal ne’ebe mak ba kasu infantesiadu iha lei artigu 142”.
“Equipa kontinua halo kedas komunikasaun ba aksaun progurador geral ne’ebe nain ba aksaun penal ba kasu infantesiadu ne’ebe previstu iha artigu 142 bele prossesa suspeitu tuir kodigo penal ba krimi refere ba autor nia inan rasik”. Nia hakotu.
Enkuantu, hafoin PCIC kaer tiha, lori kedas Suspeitu Soe bebe ba halo tratamentu ba ninia saude iha Hospital Nasionál Guido Valadares Dili hodi halo diagnostika ba bebe nia inan.
Jornalista : Antonina Lopes, Soriano de Jesus
Editor : Louzita Efriana