Markasaun Data Ba Primeira Reuniaun Sexta Legislatura, PR Horta Diferente Opsaun Ho PPN Aniceto
SAPNewsTL,Dili: Presidente Parlamento Nasional Aniceto Guterres, hasoru malu ho Presidente da Republika José Ramos Horta ohin iha Palasiu Presidensial Nicolau Lobato Ai-Tarak Laran, Iha Intervista Presidente PN Aniceto Gusterres haktuir iha interpretasaun ne’ebé diferente kona ba markasaun data ba Primeiru Reuniaun Sexta Legislatura Maibé Líderes Bankadas sei halo enkontru hodi deside data fixu
“Tuir regimentu tenki iha reuniaun atu realiza primeira reuniaun sexta legislatura tanba iha interpretasaun ne’ebé mak diferente ho Presidente Repúblika maski diferente iha interpretasaun maibe iha mos interese ba estadu, Nune’e prosesu hotu bele La’o no sei rona tuir interpretasaun husi Presidente da Republika nian”.
“Iha loron sanulu resin lima sei anunsia sai validasaun rezultadu husi tribunal rekursu iha loron sanulu resin lima nia prazu no masimu ida ne’e, ita realiza ho primeira reuniaun maski la konkorda ho Presidente da Repúblika nia interpretasaun maibe interese estadu nian hodi konkorda ba interpretasaun Presidente da Repúblika hodi realiza dentru iha prazu legal sei ba konsulta mos ho Lider bankadas parlamentares sira hodi fiksa data dentru prazu.”Dehan Presidente Parlamentu Nasional Aniceto Guterres ba jornalista sira iha Palasiu Presidensial Ai-Tarak Laran, Dili, 06/06/2023.
Lider Segunda Orgaun Soberanu ne'e hatutan, Primeira reuniaun tenki akontese depois de legislatura to'o legislatura ne'e remata no interpretasaun husi Presidente da Repúblika nian mak sei iha loron sanulu resin lima.
Entretantu, iha sorin seluk, Kuadru Partidu CNRT, Atuàl Deputada Kinta Legislatura Carmelita Moniz hateten, Kona Ba markasaun data Presidente Parlamentu Nasionàl sei rona husi líder Bankada Sira Molok foti Desizaun iha Enkontru entre Lider bankada Sira
"Markasaun data ne'e, Tuir Rejimentu Parlamentu Nasionàl, Presidente PN sei rona husi líder da Bankada Sira Molok foti Desizaun". Dehan Carmelita Moniz iha Sede Nasionàl CNRT Bairo dos Grilhos Dili, 06/06/2023
Iha Parte Seluk, Aniceto Guterres informa, “Presidente Parlamentu Nasional iha dever tomak atu halo agenda, promove diskusoens tuir deputadu sira ninian pedidu ka aspirasaun to’o agora halo agendamentu sira ne’e hotu la’os ba interese pessoal nian hodi halo alineasaun Karreta, halo prosesa deit tuir deputadu sira nia hakarak depois ida ne’e deputadu sira seidauk hola desizaun ba ida ne’e tanba deputadu sira mak sei hola desijaun ba ida ne’e”.
Jornalista: Lídia Amaral