Projeitu Inisiativa Spotlight Bazeia Ba Direitus Humanus, Hakbiit Feto No Labarik Feto
Dili – Plan Internasional Timor-Leste (PITL) ho Uniaun Europeia Timor-Leste (UETL) Ensera kolòkiu ba projetu inisiativa Spotligt iha ne’ebe desenvolve metodu prevensaun Violénsia hasoru feto no Labarik Feto ba mudansa komportamentu ne’ebé servisu hotu ho modelu ekolójiku.
Objetivu Jeral husi Projeitu ida ne’e mak atu kontiribui ba Dezenvolvimento Estratejia Nasional bazeia ba evidensia atu promove normas igualidade jeneru,atitudes no komportamentu hodi halo prevensaun ba violensia kontra feto no labarik feto.
“Projetu ida ne’e produs ona Relatoriu Avaliasaun Mekanismu Aprosimasaun ba Servisu Prevensaun iha Timor-Leste bazeia ba analize no kontextualizasaun husi komprimisiu aprosimasun ba Violensia kontra feto no labarik feto (VKFLF) no dezelvolve plataforma Media data On-line ho formatu aksesivel hanesan vizual ka video, audiu no lingua jestual ba autores Prevensaun sira iha Timor- Leste”. Tenik Sra.Dillyana Ximenes ba Jornalista SapnewsTL iha Sala Konferensia Hotel Timor,Dili.
“Relatóriu Avaliasaun Prevensaun ida ne’e, hanesan baze atu aprende kona ba estratejia ba servisu Prevensaun, lisaun barak, no experiensia husi lokal no Organizasaun internasional ne’ebé iha koñesimentu husi Governu, dezelvolve parseria no iha kominidade liu husi projetu ida ne’e”. nia fundamenta
Entretantu, Embaixador Uniaun Europeia Sr.Andrew Jocobs. Hateten, Inisiativa Spotlight Nu’udar Parseira Multi-annual Entre Uniaun Europeia no Nasõens Unidas ho investimento Global Milaun $550 hosi Uniaun Europeia Iha Timor-Leste liu husi UN Woman, Investimento tinan tolu ho valor USD milaun 15 ho Objetivo hodi haforsa Feramentos no instituisaun legal, promove normas sosiais pozitivu ,hasa’e asesu ba servisu apoiu ba sobrenvivente violensia no hadi’ak Kolesaun no muda dadus ba melhora politika.
“Uniaun Europeia selebra kontribuisaun Plan nian, iha projeitu inisiativa Spotlight hodi luta ba igualidade Jeneru, Kontinua kontra violensia bazeia ba jeneru, Uniaun Europeia nafatin Kompremitidu no envolve hodi prioritiza Direito feto nian, la husik ema ida iha kotuk no Nafatin Sosiedade sivil iha sentru”. Hakotu Embaixador Uniaun Europeia Sr.Andrew Jocobs.
Reportagem : Benezia Dos Reis
Editor : Adriana Soares