KJI Komemora 20 de Maiu Ba Dala XX Ho Asaun Kariedade
Liquisa– Klibur Juventude Iliomar (KJI) halo aaun karidade ba komunidade vulneravel sira hamutuk uma kain ruanulu (20) iha Postu Administrativu Bazartete Munisipiu Liquisa, Presidente Komisaun Maria Imaculada de Jesus hatete Asaun Karidade ida ne’e, nu’udar asaun servi ba komunidade ho fuan no laran nian hodi Komemora 20 de Maiu ba dala XX
Tuir Presidente Komisaun Maria Imaculada Felix Soares de Jesus hateten, asaun kariedade ida ne’e ami halo hodi komemora tinan ruanulu Timor-Leste nia independénsia, asaun kariedade ida ne’e dedika ba familia vulneravel iha Suku Lauhata Liquisa
ʺAmi halo asaun kariedade ida ne’e hanesan atividade dahuluk husi Organizasaun KJI, halo ida ne’e hodi treina mos ami oinsa hala’o halo asaun kariedade, oinsa ami bele servi komunidade ho fuan no laran״. Dehan Maria ba Jornalista Sapnewstl iha Lauhata, 15 Maiu 2022
ʺSasan ne’ebe ami fahe la sees husi komunidade sira nia komsumsi lor-loron, sasan sira mak hanesan foos, mina, masin, masako, roupa, no seluk tan, sasan hirak ne’e ami oferese mai husi ami nia domin hakarak kontribui ba komunidade sira nia presiza״. Nia informa
Entretantu, Familia Laura Ateis Soares senti kontente no orgullu tanba KJI bele apoia no ajuda sira, bazeia ba sira nia presiza lor-loron nian
ʺHa’u senti kontenti tebes tanba bele hetan ona ajuda husi KJI, maske hetan sasan ne’ebe ladun barak, maibe ho grasa maromak nian sira bele ajuda ami iha terus no susar ida ne’e nia laran״. Tenik Laura ba Média Sapnewstl
Enkuantu, Xefe Suku Lauhata Daniel dos Santos mos fo agradese no senti orgullu ho domin no kontribuisaun husi Organizasaun Klibur Juventude Iliomar ne’ebe bele estimula komunidade balun iha Suku Lauhata
ʺHa’u senti orgullu tanba ita hatene iha situasaun ida ne’ebe afeta husi global, ita haree iha familia ne’ebe kronikamente moris iha susar nia laran, entaun ho ita boot sira nia presensa, maske ho sasan ne’ebe uituan mais ita nia sentimentu hanesan humanu, sentimentu domin bele fo apoia netik sasan ruma ba familia sira iha ne’e״. Hatete Xefe Suku Daniel, Nia hakotu
Jornalista : Justino de Jesus Soriano
Editora : Antonina Lopes da Silva