![Hadia Abilidade Moris, Sentru Foinsa’e Manatutu Fasilita Formasaun LSBE Ba Joven Sira Hadia Abilidade Moris, Sentru Foinsa’e Manatutu Fasilita Formasaun LSBE Ba Joven Sira](https://sapnewstl.com/wp-content/uploads/2023/08/IMG-20230821-WA0046.jpg)
Hadia Abilidade Moris, Sentru Foinsa’e Manatutu Fasilita Formasaun LSBE Ba Joven Sira
SAPNewsTL,Manatuto: Ministeiru Joventude Desportu Arte no Kultura (MJDAK) liu husi Sentru Foinsa’e Munisípiu Manatuto fasilta formasaun Edukasaun Bazeia iha Abilidade Moris Nian (LSBE), ba joventude 35 iha Suku Manlala Postu Administrativu Soibada Munisípiu Manatuto
Objetivu husi formasaun ne’e hodi kapasita joventude sira iha area edukasaun, oinsa atu eleva foinsa’e sira hatene respeita inan ho Aman hodi kria relasaun saudavel iha sosiadade nia let, signifika abilidade moris ba konesementu joventude sira nian hodi kria relasaun saudavel.
Tuir Representante Centro Foinsa’e Munisípiu Manatuto, Aduzinda Maria da Gloria do Carmo Soares, hatete Centro Foinsa’e hakarak fasilita formasaun Edukasaun Bazeia iha Abilidade Moris Nian (LSBE), ba joventude sira ho gratuita atu nune’e foinsae sira sai hanesan fonte edukativu hodi trasmite informasaun ba komunidade sira ho diak”. Dehan, Aduzinda Maria da Gloria do Carmo Soares, ba SAPnews iha Sede Suku Manlala, Segunda (21/08/2023).
“Ami hakarak tulun foinsa’e sira partisipa iha formasaun ida ne’e ho tema Edukasaun Bazeia iha Abilidade Moris Nian (LSBE), hodi koinese unidade balun ne’ebé importante ba pesosal joventude, hodi responde ba pergunta no dezafiu sira ne’ebé enfrenta iha moris loron-loron, programa ne’e rasik hetan apoiu husi, Ministeiru Joventude Desportu Arte no Kultura (MJDAK) atu hodi kapasidade eleva kapasidade foinsa’e sira nian ne’ebé naton”. nia salienta.
Enkuantu, Sentro foinsa’e fasilita ona formasaun ba joventude sira iha Postu Administrativu Laleia Suku, Kairui, Postu administrativu Laklubar Suku Batara no ohin kontinua hala’o iha Postu Administrativu Soibada Suku Manlala, formasaun ne’e rasik sei hala’o durante semana ida.
“Husi sentro foinsae munisípiu, ami nia esperansa ba futuru ami espera katak formasaun sira ne’ebé ami implementa kada suku, benifisiu tebes ba joventude sira atu sai lalenok ba ema hotu hodi fasilita ema seluk nune’e bele dezenvolve nasaun Timor-Leste (TL).”
Nia haktuir kada tinan Ministeiru Joventude Desportu Arte no Kultura fornese formasaun ba centro foinsae iha munisípiu 14 inklui Regiaun Administrativu Espesial Oecusse Ambenu (RAEOA), atu nune’e bele sai hanesan implementador hodi habelar programa Ministeiru Joventude Desportu Arte no Kultura nian ba foinsa’e sira iha munisípiu.
Entertantu, formasaun refere hetan apoiu masimu husi Ministeiru Joventude Desportu Arte no Kultura, ho montante orsamentu ne’ebé distribui kada postu benifisia $ 1600 ba formasaun ativu durante semana ida nia laran.
Jornalista: Guilhermino Ramos da Crus