Durante Fulan 8, Komunidade 22 Lakon Vida & 2.122 Sai Vítima Ba Dezastre
SAPNewsTL, Dili : Autoridade Protesaun Civil (APC Sigla Português), relata relatoriu dezastre naturais ne’ebe mak akontese durante fulan Agustu nia laran, ne’ebe mak akontese iha Munisípiu hitu(7)
Diretor Relasaun Externa no Komunikasaun-APC Anacleto Caetano haktuir katak Autoridade Protesaun Civil kontinua atualiza informasaun sira liga ba dezastre ne’ebe mak akontese iha teritoriu laran tomak, hahu husi dia 15 to’o ohin loron 21. Akontese iha munisipiu hitu(7), Ainariu,Baucau, Bobinaru, Covalima, Lautem Manatutu no Viqueque
Nia informa katak husi dezastre naturais ne’e total dadus hamutuk sanulu resin walu(18), ne’e mak afetadu ho tipu dezastre oioin hanesan anin, rai halai
“Total dadus iha 18, sefe familia ne’ebe mak afetadu dezastre no ema kanek ida, ne’e husi Munisípiu Ainaru” Dehan Diretor Relasaun Externa komunikasaun-APC, Anacleto Caetano ba Jornalista sira iha edifisu APC, Caicoli, segunda-feira(21/08/2023)
Nia afirma katak bazeia ba akontesimentu dezastre ne’e husi tipu oioin hanesan rai halai, anin no inkliu ahi han uma
“Hare husi akontesimentu ne’ebe mak iha husi tipu dezastre oioin no barak liu iha semana ida ne’e rai halai, ne’e iha Ainaru. Tipu dezastre anin bo’ot no sobu uma barak liu iha munisipiu Baucau, ikus liu ahi han uma iha Lautem no Manatutu” saleinta nia
Nia haktuir katak”Protesaun Civil Munisipal sira halo kedas intervensaun no fo apoiu emerjensia, servisu hamutuk ho autoridade lokal”
Enquantu dadus husi akontesementu dezastre iha munisipiu hitu(7), Iha munisipiu Ainaru postu Ainaru vila suku Soro aldeia Poelau iha 15 de agusto 2023 fatuk hanesan vitima ida kanek, iha Postu Hatudu Suku Leo-lima Aldeia Boulau iha dia 4 de julho 2023 rai halai no estraga komunidade nia uma walu(8)
Iha munisipiu Baucau Postu Baucau Vila suku Bauhu Aldeia Anaulu 11 de Agustu 2023 akontese anin sobu komunidade nia uma ida no iha Postu Laga Aldeia Naunmata, Samagia dia 13 de Agustu 2023 anin sobu komunidade nia uma ida(1), iha Postu Venilale Suku Wailaha Aldeia Kailululahe dia 19 de agostu 2023 anin bo’ot no sobu komunidade nia uma ida(1).
Iha munisipiu Bobonaru Postu Administrativu Maliana, Suku Tapo Memo Aldeia Tunu Bibi dia 15 de agustu 2023 anin sobu komunidade nia uma ida(1).
Iha Munisípiu Covalima Postu Maukata suku Welikauma aldeia Ilha iha dia 7 de agustu 2023 rai halai no sobu komunidade nia uma ida(1), iha Suku Welikasa no aldeia Loloba iha dia 7 de agustu 2023 akontese rai halai sobu komunidade nia uma ida(1).
Iha Munisípiu Lautem, Postu Lautem suku Daudere aldeia Makalodo dia 14 de agustu 2023 ahi han komunidade nia uma ida(1). Iha Munisípiu Manatutu Postu Laclo Suku Laku-Mesak aldeia Lahulu iha dia 14 de agustu 2023 ahi han komunidade nia uma ida(1).
Iha Munisípiu Viqueque Postu Viqueque aldeia Mauvain kraik iha dia 11 de agustu 2023 akontese anin sobu komunidade nia uma ida(1), iha Suku Bibileo Aldeia Lahuwai iha dia 14 de agustu 2023 anin sobu komunidade nia uma ida(1)”
Entretantu, dadus husi fulan janeiru to’o mai agora 2.122 mak vítima ba dezastre Naturais no husi numeru ne’e balun fo ona materia konstrusaun ba sira. No husi Janeiru to’o mai agora ema ne’ebe mak lakon vida hamutuk 28 pessoas.
Jornalista : Marcela Mery da Costa