Komunidade Halerik, Atoni Oan Ezije Guvernu Normaliza Folin Sasan Iha RAEOA

Dili – Relasiona ho folin nesesidade baziku aumenta makaas iha Regiaun Administrativa Espesial Oe-Cusse Ambenu, Estudante Oe-Cusse oan iha Kapital Dili realiza komferensia Pers ezije Guvernu tanba normaliza deit iha Oe-Cusse Vila, maibe iha foho sasan folin kontinua sa’e no halo komunidade barak halerik

Tuir Porta Voz Mateus Lopo hateten, Populasaun RAEOA hasoru ona problema liliu ba sasan ne’ebe  folin sa’e, tuir informasaun sira ne’ebe rona iha pagina CNE autoridade RAEOA sira hatama ona sasan basika ba  Oe-cusse, maibe normaliza deit iha vila iha foho sira hanesan Postu Administrativu tolu(3) Oesilo, Passabe inklui Nítibe folin sasan seidauk normaliza.

“Ami sei hein sabado agora ne’e, enkuantu  la autoriza ro’o ne’e sira sei mobiliza malu komunidade Oe-cusse oan  ne’ebe mai buka moris estuda iha Kapital Dili hodi husu parte relavante foti desizaun atu ro’o  ne’e bele ba  Oe-cusse.” wainhira remata lansamentu relatoriu ba jornalista Sapnewstl iha Ponte-Kais. Kinta-feira (26/5/2022).

Nia akresenta, Sabadu ne’e sira sei halo ultimo rekursus, karik laiha resposta sira sei halo demostrasaun hasoru Aportil Diresaun Nasional Transporte Marítima inklui  Ministeriu  Relevante.

“Ho situasaun ida ne’e, ami hanesan estudante Oe-Cusse nia oan senti tristi tebes, Governo Sentral sira kria ona regime espesial ba  Oe-Cusse maibe tratamentu laos espesial.” dehan Mateus Lopo

Entretantu, Porta Voz ne’e afimra, Karik liu husi sira nia komferensia Imprensa ne’e mak autoridade relavante sira la foti desizaun emidiatamente, sira sei halo dialogo hasoru parte relavante sira, sira sei halo PDC hasoru Parlamentu Nasional no ultimu rekursus sira sei halo demostrasaun hasoru regime sira nebe mak la autoriza ro’o ba Oe-Cusse.

Enkuantu, Mateus Lopo hateten Governo no Presidente Autoridade la iha fuan, sira iha deit ambisaun hodi ukun, tanba la hatan ba preokupasaun  no problema  ho fuan problema ne’ebe komunidade RAEOA enfrenta.

Jornalista : Santina Verdial da Silva

Editor : Natalino Paulo da Silva