Jovens Na’in 7 Sei Ba Servisu Iha Japaun

SAPNewsTL, Dili : Sekretaria Estadu Formasaun Profissional no Empregu (SEFOPE) ohin hala’o serimonia despedida hamutuk ho trabalhador nain hitu ho família selebra akordu de traballu molok traballador sira desloka ba servisu iha Japaun

Tuir Sekretáriu Estadu Formasaun Profisional no Empregu (SEFOPE) Rogeiro Araújo hatuir, nia parte sente orgullu tanba ohin halo ona akordu hodi haruka tranballador sira ba servisu iha Nasaun Japaun

“Enkontru ohin ita orgullu tebes tanba ita nia Estadu Timor-Leste ho nasaun Japaun liu husi companha Kotchy halo akordu ida halo ba trabalhadores ida ne’ebe mak sei ba servisu iha Japaun ho durasaun tinan tolu”. Hatete SEFOPE Rogeiro Araújo ba Jornalista sira iha Salaun SEFOPE, Kinta 14/09/23.

Secretaria Estadu ne’e, hatutan guvernu sei kria no dezenvolve sentru formasaun sira ne’ebe bele hatan ba merkadu de traballu iha futuru

“Governu mos tenke kria sentru formasaun hodi resolve ba merkadu no agora ita mos iha sentru formasaun haat ne’ebe fornese ba Timor oan sira, trabailadores nain sanulu resin tolu ba faze primeiru sira nain hitu no tuir mai iha nain neen”. Nia subliña

Governante ne’e aprofunda, SEFOPE sei loke tan sentru formasaun ba Timor oan sira ne’ebe mak di’ak ba lian Inglesh, Korea no Japaun inklui formasaun sira ne’ebe presiza hodi prepara rekursu no forma sidadaun sira hodi hatan ba merkadu Nasional no internasional

Iha sorin seluk, Trabalhador Timor-Oan Simson Pedro Ximenes sente kontente tebes tanba bele hetan oportunidade primeiru hodi ba servisu iha Japaun

“Ha’u sente kontente tebes tanba bele hetan oportunidade primeiru hodi ba servisu iha Japaun, ami agradese mos ba hanorin nain sira ne’ebe mak halo ligasaun ho SEFOPE até ohin ami asina mos deklarasaun ho SEFOPE no inan aman sira, ami nain hitu ne’ebe sei aranka ba Japaun iha fulan ne’e.”nia hateten

Simson Perdo mos husu ba Timor oan sira liliu joven sira atu badinas nafatin no esforsu tuir kursu lian Japaun nian hodi bele hetan oportunidade ba servisu iha raí liur, nune’e bele sustenta ba nesesidade uma laran nian no kontribui ba kresimentu eckonómiku Timor Leste nian

Jornalista : Aquelina Magalhães