Valida Dadus Veteranu, MACLN Husu Funu Na’in Sira Hakbesik An

SAPNewsTL, Dili : Ministru Assunto Combatentes Libertasaun Nasional (MACLN)  Gil da Costa Monteiro,”Oan Soru” hateten iha loron 28 fulan Setembru 2023, ekipa sei halo verifikasaun ba sidadaun sira ne’ebe partisipa iha luta ba ukun rasik an iha Munisípiu hotu

MACLN liu husi komunikadu imprensa haktuir, validasaun ba registu daruak iha 2009 sei kontinua fali iha loron 28 Fulan Setembru 2023, validasaun ne’e sei la’o iha kada Munisípiu iha territóriu tomak

“Validasaun 2° registu iha 2009, sei kontinua fali lha loron 28 Fulan Setembru tinan 2023 iha Munisipiu hot-hotu, no sei haleu iha Postu Administrativu hot-hotu, tuir kalendariu ne’ebe determina ona”.Dehan MACLN Gil da Costa”Oan Soru” ba Jornalista sira iha Salaun 3 de Março  Comoro,kinta(21/09/2023)

Kalendáriu no lista naran validasaun ikus ida ne’e sei taka iha sede CCLN munisipal ida-idak, lista ida bele mosu deit registu husi ema ne’ebe seidauk hala’o ninia validasaun de dadus.

Oportunidade iha periudu ikus ne’e ba Kombatentes sira hotu-hotu ne’ebe seidauk valida tenke hakbesik ekipa validasaun no apresenta kartaun eleitoral iha momentu valida dadus. Karik la marka presença iha oportunidade ikus liu ida ne’e, MACLN sei konsidera registu hanesan exkluidu.

“Programa validasaun hahu iha tinan 2019 no valida tiha ona iha territóriu tomak hamutuk 93.946 registus (75,3%), no ha previsaun atu validasaun rejistu remata iha Fulan Novembru husi tinan ida ne’e,  durasaun validasaun ba Munisípiu ida idak la hanesan tanba depende numeru registus atu valida, validasaun sei hala’o iha Postu Administrativu CLN ida-idak nian”. Nia informa

CLN ne’ebe rejista liu hus Comite 12 de Novembru no partisipa iha Manifestasau 12 Novembru, Comité rasik mak sei valida tuir kalendáriu ne’ebe mak sei determina liu husi Comite 12 Novembru em kolaborasaun ho MACLN.

Munisipiu Aileu nia dadus Veteranu hamutuk 5.326 ho 60% mak halo ona validasaun hamutuk 3.581 ekivale 40%, Veteranu Ainaru hamutuk 10.199, verifika ona hamutuk 6.7216 no 3.478 mak sei verifika. Munisípiu Baukau 15.252, entre sira 12.163 mak verifikadu no seidauk hamutuk 3.089. Munisipiu Bobonaru Veteranu hamutuk 12.976, entre sira 11.042 (85%) mak halo ona validasaun no 1.934 (15%) mak sei verifika.

Veteranu Munisipiu Covalima hamutuk 9.940, entre sira 8.309 (54%) mak validadu no 1.631 mak seidauk, Munisípiu Dili hamutuk 7.487, entre sira verifikadu total 3.970 no seida’uk verifika hamutuk 3.488, Munisipiu Emera hamutuk 12.606, entre sira 10.283  mak verifika ona no 2.323 mak sei verifika

Veteranu Munisípiu Lautém hamutuk  9.612, entre sira 8.616 no  996  mak seidauk verifika, Veteranu Munisípiu Liquiça hamutuk  11.015, entre sira 7.308 mak verifikadu  no 3.707 mak seidauk, Veteranu Munisípiu Manatuto hamutuk 8.014, entre sira verifikadu 6.222 no 1.792 mak seidauk

Veteranu Munisípiu Manufahi hamutuk  6.827, entre sira 5.054 no seida’uk verifika hamutuk 1.773. Veteranu Rejiaun Administrativu Espesiál Oé-Cusse (RAOA) hamutuk  3.957, entre sira verifika ona 3.513 no seida’uk verifika hamutuk 444. Veteranu Munisípiu Viqueque hamutuk 7.851, entre sira verifika ona 5.369 no 2.482 mak seidauk

Total  dadus ne’ebe registradu iha 2009 mak 124 782, entre sira 93.946 ho 75% mak halo ona validasaun, 30.936 (25%) mak seidauk halo validasaun. Loron validasaun sei la’o durante loron 51, hahu iha loron 28 Setembru no remata iha 30 Novembru 2023

Jornalista : Ermelinda Soares