ADTL Sensibliza Inkluzaun Defisiénsia Ba Instituisaun Mídia Sira
Imajen Intervista Diretor Ezekutivu ADTL Cesario da Silva
SAPNesTL, DILI – Asosisaun Defisiensia Timor Leste (ADTL) mak hanesan organizasaun Sunbrina ida ba Organizasaun sira ne’ebé mak serbisu no tau matan ba maluk Ema ho defisiénsia (EhD) sira iha Timor Leste ho nia objetivu atu halo mudansa sosial liu husi Advokasia ne’ebe mudansa atetude, ambiental no institusional.
Diretor ezekutivu ADTL Cesario da Silva haktuir Atividade ohin ne’e hanaran media briefing ou sesibilizasun inkluzaun defisiensia ba instituisaun media no mos selebrasaun loron mundial ba Ema ho difisiensia iha loron 3 dezembro 2022, ADTL konsidera media servisu hamutuk ho ADTL hodi tulun no dezamina infomasaun ba publiku liliu uza termu ne’ebé los ba ema ho difisiensia iha Timor Leste.
“ADTL akompanha katak tulun husi media ne’e boot tebes hodi bele publika asuntu Ema ho defisiensia sira iha Timor-Leste no dezamina informasaun difisiensia ba publiku liliu atu uza linguazen ka termu ho dignu ba ema no difisiensia”.Dehan Diretor Ezekutivu ADTL Cesario da Silva ba jornalista sira iha eskritoriu ADTL maskarinhas Segunda Feira ( 21/ 11/22).
Entretantu, ADTL husu ba parte relavante sira hotu nafatin tau matan ba ADTL hodi haree ba ema ho defisiensia inklui ema ne’ebé iha kondisaun fizikamente la kompletu hanesan difisiensia tilun, matan, amputasun ain, Liman, impariade, mental, psikososial, intelektual ka sensorial ne’ebé ho longu prazu, ne’ebé iha intensaun ho bareira oioin hodi hapara sira nia partisipasaun tomak iha sosiadade
“EhD matan Presiza ekipamentu braile , programa josthtalking ne’ebé Mak install iha komputer no telefone, EhD tilun no ko’alia nesesita lian jestual ka tradutor jetsual, EhD fiziku nesesita ekipamentu kadeira roda, aitonka. Sira presija iha assesibilidade ne’ebé mak asesivel atu bele halo movimentu ho independente, EhD saude mental nesesita tratamentu dignu, Fatin, konsensia, aimoruk, no akonsellamentu, EhD intelektual nessita tempu natoon no extara , akomoda , kompriende no konsensia no pasensia”. Nia sublinha
Diretor Ezekutivu Konsellu Imprensa Rigorberto Monteiro
Iha fatin hanesan representanete diretor exekutivu konselho imprensa Rigorberto Monteiro orgullo tebes ho diretor ezekutivu ADTL tanba ba tur iha parlamentu hodi ko’alia kona-ba konstituisaun no edukasaun ba difisiensia sira
“KI mos planu ba asuntu inkluzivu tinan oin atu hakerek Kona ba matadalan reportajem ba jornalismu inklusivu ne’ebe ho Kover atividade tolu (3) asuntu difisiensia, labarik Kiik ka grupo menoridade, no LJBTI grupo”. Nia Akresenta
Nia dehan, KI ho ADTL kada tinan sempre halo enkontru editorial no organiza ho jornalista editor media no reporter sensibelizasaun asuntu kona ba jornalista sira oinsa hakerek termu Ema ho defisensia ne’e ho lolos.
Entretantu, Tuir dadus estatistiku iha 2020 kuaze 2.9% ba Timor oan mak konsidera hanesan difesiensia Tilun, matan, fisiku, saude no seluk tan, Total populasaun mundu nian kuaze 15%, ne’e laos numero ne’ebé Kiik no mos la bele husik 2.9 % no tenki apoio no servisu hamutuk ho Sira hanesan ho nasaun Sira seluk
Enkuantu, Atividade Sensbilizasaun ne’e organiza husi Assosiasaun Defisiensia Timor Leste no hetan partisipa husi Sekretaria Estadu Komunikasaun Sosial Mericio Juvinal Akara, Diretor ADTL no Konsellu Imprensa de Timor Leste, inklui representante husi media nasional sira
Jornalista : Antonio Tilman
Editor : Ekipa Editorial