AJTL, OXFAM & RKATL Husu Governu Prioritiza Agrikultura No Mudansa Klimátika

SAPNewsTL, DILI– Assosiasaun Jornalsita Timor Leste (AJTL) kolabora ho Oxfam no Rede Koligasaun Agrikuktura Timor Leste (RKATL) husu ba parte Relavante no Ministeriu Agrikultura hodi tau matan ba agrikultor sira ne’ebé mak agora daudaun halo hela sira nia produto lokal hodi ba Faan iha merkadu no loza sira.

Presidente Unaet Alberto Martins Guterres haktuir Rede Koligasaun Agrikuitura Timor-Leste mak rede ne’ebé involve agrikultor, grupu ema ho defisiénsia, setor privadu, grupu feto no mane iha agrikultura, organizasaun juventude, LGBTQI, grupu kooperativa, movimentu sosial, Organizasaun sosiedade sivil no grupu sira seluk.

Organizasaun ne’ebe involve hamutuk ne’e iha interese hanesan atu tau matan ba asuntu mudansa klimatika, feto no rai, sustentabilidade fiskal no oinsa fé hanoin ba governu atu dezenvolve setor agrikultura no promove ekonomia diversifikadu ne’ebé sustentavel no Inkluzivu iha Timor-Leste.

Rede Koligasaun ida ne’e konkorda hodi re-ativa no estabelese Sentru Midia iha Sekretariadu Rede ba rai iha Farol, Dili, hodi monitoriza, akompania no halo advokasia ba diskusaun sira kona ba debate Proposta Orsamentu Jeral Estadu tinan 2024.

“Sentru ida ne’e sei fasilita espasu ba ema no Organizasaun oioin, atu fo sira nia hanoin no akompania prosesu debate sira ba OJE tinan 2024 nian lha Parlamentu Nasional”, Dehan Presedente Unaet Alberto Martins Guterres ba Jornalista Sira iha Fatin fundasaun haburas Farol Quinta (07/12/2023)

Rede Koligasaun Agrikultura Timor-Leste mos husu ba Parlamentu Nasional no Governu atu halo debate ho kle’an, matenek ho kuidadu, hodi konsidera situasaun real ne’ebé agora daudaun Timor-Leste hasoru.

“Hanesan Peskizador Lao hamutuk mariano Ferreira haktuir Koligasaun Agrikultura refere ba proposta OJE tinan 2024 katak despeza estadu ne’ebé la sustentdvel no la realistiku sei fo risku boot ba sustentabilidade rezerva Fundu Petroliferu no finansas publiku Iha futuru bainhira Timor-Leste la iha ona reseita husi kampu mina no gas ne’ebé Timor Leste iha”. Nia sublinha

Aleinde ne’e, problema seluk hanesan mudansa klimatika, feto no direitu ba rai tenke sai prioridade mos ba (IX) governu konstitusional ida ne’e.

“Tanba ne’e maka ami tau hamutuk grupu lubuk ida Iha ne’e atu nune’e bele fahe informasaun ka fahe ideia ba malu hodi fasilita atu nune’e bele hasa’e produsaun hodi bele sustenta konsumidores Iha Timor-Leste”.

Sentru midia ne’e sei kontinua realiza konferénsia imprensa, programa TV Talk Show, hala’o PODCAST, ba asuntu importante sira hakerek submisaun ba Parlamentu, fasilita media briefing ba jornalista sira, prepara esteatmentu konjunta no diskusaun nakloke ho jornalista sira kona ba analize Proposta Orsamentu Jeral Estado tinan 2024 no atividade importante seluk tan.

Sentrifugal midia ne’e sei funsiona husi inisiu diskusaun Proposta OJE tinan 2024 iha fulan Dezembru tinan ne’e no sei kontinua monitoriza Ezekusaun Orsamentu Jeral Estadu ne’ebé hetan aprovasaun husi Parlamentu Nasional no Promulga husi Prezidente Republika.

Kordenador Grupo IDOR Jeronimo Barreto Soares dehan “Produsaun ne’ebe maka ami halo mak hanesan kafé, ai-fuan sira hanesan buah naga, ainanas, ranbutan no sei barak tan, no grupu balun produz pupuk organiku hodi sustenta ba produtu sira nee hodi bele fo fuan ho produsaun ne’ebe diak”.

Iha grupu barak, balun iha produsaun ai-horis no balun Mo’s produz adubus organikus, Durante nee Guvernu la sosa, maibe organizasaun Sira ne’e halo ligasaun ho supermarket sira hodi halo transaksaun ba produtu sira.

Rede koligasaun Agrikultura Timor-Leste (KATL) Iha organizasaun hamutuk 27 mak hamutuk hodi hari’i rede ne’e, rede ne’e hari’i tinan kotuk iu ba mais ou menus tinan haat ona, sira hakarak reorganiza fila fali para rede ne’e bele funsiona ho Diak.

Organizasaun 27 ne’ebe hamutuk iha Rede Koligasaun Agrikultura Timor Leste mak hanesan 1. HASATIL 2. La’o Hamutuk 3. PERMATIL 4. UNAER ~Ermera 5. Oxfam iha Timor-Leste 6. Ra’es Hadomi Timor-Oan 7. Alumni Parlamentu Foin sa’e Timor leste (APFTL) 8. Kdadalak Sulimutuk Institute (KSI) { 9. Mata Dalan Institute 10. Grupu Be salin 11. Grupu Hatajo 12. Timor Leste Organic Fertilizer (TILOFE) 13. FBN 14. Forum Juventude Defisiénsia Ermera 15. EAMO 16. Youth for Blue Action Development Initiative 17. No Membru Koligasaun sira seluk. 18. RHTO 19. Funsasaun Haburas 20. Rede ba Rai 21. YEEF no seluk tan.

Jornalista : Antonio Tilman & Marciana da Conceição.