Aplikantes 925 Konkore Vaga SEII, Ema Na’in 17 Sai Selesionadu & Hetan Investidura

SAPNewsTL, Dili: Sekretariu Estadu Igualdade Inkluzaun (SEII) realiza serimonia termu aseitsaun ba Funsionariu/a permanente foun nain-17 hodi sai funsionariu hodi hala’o servisu iha edifisiu SEII.
“Ohin ita hotu hatene, iha feto na’in ualu mane na’in sia ne’ebe total hamutuk nain-17 maka liu vaga iha SEII sai funsionariu permanente hodi hala’o servisu iha SEII” Dehan SEII Maria do Rosario Fatima Correia ba jornalista sira iha Salaun Maria Gorreti Caicoli sesta (06/01/2023).

Sekretaria Estadu hatutan, sira loke vaga ne’e tanba hetan konkordansia husi primeiru ministru maibe sira mos sente tauk bainhira sira taka vaga ema barak hanoin katak sira iha ona ema ruma iha laran maibe la’os, buat hotu-hotu tuir regra no prosedimentu sira iha, ekipa juri ne’e vogal na’in rua mai husi SEII vogal na’in rua husi komisaun funsaun publika ne’ebe sira fo sai vaga permanente ema nain-925 maka kompete maibe husi prosesu, liu husi selesaun dokumentu, ema nain-400 maka liu tama ba ezame eskrita sira halo ona teste eskrita otomatikamente valor sai direitamente.

Governante ne’e hatutan, depois ekipa juri sira halo selesaun ikus, entervista rezultadu maka ema nain-17 maski funsionariu SEII rasik mos aplika vaga ne’e maibe sira balun la liu ida ne’e maka reflete ba sira ida-idak, saida mak sira promete ohin, akta pose no juramentu ba sira ida ne’e maka sai reflete ba sira, atu bele dedika sira nia a’an hodi bele servi estadu ho rai ida ne’e liliu servi feto maluk sira, ne’ebé maka afeita husi violensia oioin no fo korajen ba feto maluk sira, atu bele partisipa foti desizaun iha nivel nasional ba iha munisipal, postu no suku sira iha Timor-Leste.

Jornalista: John Marito