Asaun Blokeia Orientasaun, AAE Konsidera Dalan Ba Melloria Sistema Atendimentu Iha UNTL
Imajem Komunikadu Imprensa husi Assosiasaun Estudantil UNTL, Iha Kampus sentral UNTL, 14/03/2023. Foto : Conzita Mota
SAPNewsTL, Dili : Hafoin Senadu sira hamutuk ho estudante foun 2023 halo blokeiu ba orientasaun akadémika tinan letivu 2023, Associasaun Akadêmika Estudantil da UNTL (AAE-UNTL) klarifika ba públiku katak Assosiasaun Estudantil no Estudante Foun sira halo blokeiu tanba Estrutura Reitoria halo diskriminasaun no ladun preparadu hodi realiza prase akadémiku
“Loron segunda-feira dia 13 de marsu de 2023 hodi blokeia Orientasaun Akadêmika ba estudante foun tinan akadémika 2023. Senadu sira hamutuk ho estudante foun sira blokeia orientasaun akdémika tanba konsidera estrutura UNTL prinsipalmente Magnífico Reitor ho nia estrutura la preparadu inklui halo diskriminasaun ba estudante foun ano letivo de 2023 tamba estudante balu ne’ebe selu ona bele tuir orientasaun akadémika no balu sei kontinua forma hodi halo pagamentu no rejistrasaun”.Tenik Senadu Jeral UNTL Cristovão de Araujo iha Kampus Sentral UNTL, 14/03/2023
Nia Akresenta Senadu sira blokeia totalmente Orientasaun Akadémika tanba hakarak estudante sira selu hotu mak tuir orientasaun dala ida hodi nune’e bele iha tratamentu hanesan ka igual no justu.
Alein de ida ne’e, Senadu sira hakarak estrutura UNTL tenki buka mekanizmu hodi hadia sistema de atendimentu ba estudante liuliu iha pagamentu no administrasaun akadémika hodi nune’e bele rezolve problema estudante sira nian hanesan la bele dudu malu, la bele sena malu ona no la bele hamrik tan iha loron manas hodi foti dukumentus.
Imajem Senadu Geral UNTL Cristovão de Araújo
Presidente Assosiaun Estudantil UNTL, Atual Senadu Direitu ne’e konsidera Problema sira ne’e akontese tanba estrutura UNTL laiha seriedade no iha vontade diak hodi resolve tamba tinan-tinan sempre akontese ida ne’e.
“Senadu estudantil hamutuk ho Estudante UNTL prinsipalmente estudante foun sira hakarak deklara ba públiku katak, asaun ne’ebe orseik akontese iha UNTL Central ho natureza, ne’e nudar aktu ida hodi kontribui ba mudansa no atu motiva estrutura UNTL hodi bele halo refleksaun hodi buka mekanizmu hodi mellhoria servisu atendimentu estudantil nian liuliu iha Pagamentu no Administrasaun Akadémika no tau máxima atensaun ba preokupasaun no problema estudante sira nian”. Nia hatete
“Senadu sira sei tur hamutuk hodi koalia ho estrutura UNTL ligadu ho Avizu ne’ebe fo sai husi Presidente Komisaun Organizadora ba Orientasaun Akadémika, Sr. Samuel Venâncio atual Vice-Reitor Asunto Akadémika da UNTL hodi husu klarifikasaun ba avizu refere iha ne’ebe temi katak tinan ne’e laiha Orientasaun Akadémika tanba UNTL kansela ona”.
Imajem Estudante Foun UNTL tinan Letivu 2023, Iha Kampus Sentral UNTL, 13/03/2023. Foto : Marino Pailofo
Nia Informa ba Inan-Aman no Estudante foun sira katak, Senadu sira sei haruka karta ba Presidente Konsellu Geral UNTL hodi konvoka reuniaun extraordinária ida hodi bele koalia kona ba problema estudante nian, Senadu sira sei hato’o problema estudante sira nian ba iha parlamentu nasional no mos Ministeriu Ensino Superior hodi bele husu ba Reitor hodi Rezolve.
Portantu, Nia mos husu ba Inan-Aman no Estudante foun sira katak, estudante ne’ebe admitidu ona hodi asesu ba UNTL bele kontinua selu ou bele hasoru Senadu sira atu nune’ebe bele buka dalan hodi koordena ho estrutura UNTL hodi rezolve ita-boot sira nia problema.
Enkuantu, Tuir Informasaun ne’ebe SAP News TL asesu katak estudante balun seidauk halo Registrasaun iha fakuldade no Pagamentu iha Banku BNCTL tanba hafoin estudante sira halo blokeiu ba orientasaun akadémika, to’o agora banku seidauk hodi atende estudante sira nia pagamentu
Jornalista : Conzita Mota & Aquelina Mangalhães