Asegura Dignidade Umana ! MS & UNFPA Lansa Abrigu Ba Vítima VBJ Iha Formoza
Imajem : UNFPA hamutuk ho Ministériu Saúde durante inaugurasaun ba uma mahon VBJ iha Sentru Saúde Komunitária Formoza, Segunda (11/11/2024)
SAPNewsTL, Díli — Elimina numeru Violénsia Bazeia ba Jeneru (VBJ) United Nations Population Fundu (UNFPA, sigla Inglés) servisu hamutuk ho Ministériu Saúde (MS) liu hosi Institutu Nasional Saúde Públika Timor-Leste hala’o inagurasaun fatin seguru ba vitima sira iha sentru saúde Komunitária Formoza.
Reprezentante UNFPA Domingas Bernardo hateten, UNFPA koopera ho Ministeiru Saúde halo lansamentu fatin seguru ba vítima VBJ bazeia ba komprimisiu no determinasaun ne’ebe UNFPA estabelese ho nia objetivu hodi elimina violénsia BVJ no enkuadra inan feton sira hodi apoiu fasilidade saúde ne’ebe kualidade.
“Ha’u agradese tebes ohin ita lansa fatin seguru ida ne’e, marka tan istória ida iha ita-nia esforsu koletivu, hanesan UNFPA nia kompromissu hodi elimina Violénsia Bazeia ba Jéneru (VBJ), Ita nia luta atu kria espasu ida ne’ebé seguru ba feto no inan feto sira hotu, no apoia fasilidade saúde ho kondisaun di’ak hodi bele prevene no responde ba BVJ” Informa reprezentante, Domingas Bernardo, iha Sentru Saúde Komunitária Formoza, Segunda (11/11/2024)
Domingas Bernardo afirma, Violénsia Bazeia ba Jéneru sai asuntu saúde públiku ne’ebe problemátiku no kontinua sai violasaun komum ba problema direitus umanus, ne’ebe tuir peskiza demogratika saude Timor-Leste iha tinan 2016 hatudu 50% feto ho idade 15 to’o 45 esperensia ona ba VJB.
“Prevalensia violénsia kontra feto no labarik feto sira tuir Peskiza Demográfika Saude Timor-Leste tinan 2016 nian, hatudu katak 30% husi feto sira ho idade tinan 15 to’o 49 sofre ona asaltu fiziku, hahu husi feto ho idade 15 afeta 20% iha munisipiu Dili, feto sira iha ona esperensia violensia fiziku”.
Nia informa, servisu hirak ne’ebe realiza ho susesu la ses husi servisu ho parseria sira hanesan Ministériu Saúde no Institutu Nasional Saúde Públika Timor-Leste liu husi fornese apoiu tékniku hodi reforsa kapasidade sistema saúde hodi asegura sobrevivente husi Violénsia Bazeia ba Jéneru.
“Rezultadu serbisu ne’ebé iha, UNFPA la serbisu mesak maibé serbisu hamutuk ho MS fornese apoiu tékniku hodi reforsa kapasidade sistema saúde nune’e bele asegura sobrevivente VBJ no vitima sira bele simu apoiu no médiku, psikososial no legal iha forma ida koordenada no efetiva tuir matadalan internasionál no nasionál” Nia subliña.
Domingas hatutan, UNFPA fó apresiasaun bo’ot ba MS espesialmente Diresaun Jerál Kuidadu Saúde Primaria no Diresaun Nasionál Saúde Maternal Infantil, Autoridade Munisípiu Dili, no Sekretáriu Estadu Igualdade.
Reprezentante UNFPA ne’e husu ba serbisu saúde munisipal atu bele asegura fatin refere, nune’e bele fornese asisténsia médiku ba vÍtima Violénsia Bazeia ba Jéneru ho kualidade higene no seguru ba vitima sira.
“Ha’u husu ba Servisu Saúde Munisípiu Dili liuliu jerente no pesoál saúde hotu ne’ebé servisu iha SSC Formoza atu utiliza no kuida didi’ak fatin ida ne’e atu bele fornese servisu ho kuiladade di’ak atu atende vítima sira ho dignu, no kontinua serbisu hamutuk hodi kria espasu ne’ebé seguru, livre husi violénsia ba feto no inan feto sira hotu,”
Iha fatin hanesan, Adjunta Direitora agensia KOICA iha Timor-Leste fundamenta, UNFPA koopera diak tebes ho MS no KOICA hodi inaugura espasu seguru iha sentru saúde Komunitária Formoza ne’e hanesan previleziu bo’ot tebes, inisiativa ida ne’e parte hosi projetu ho igualdade prevene hodi responde VBJ iha Timor-Leste.
“Previléjiu bo’ot ohin hamutuk inagurasaun espasu seguru iha Sentru Saúde Komunitária Formoza iha inisiativa ida-ne’e parte husi projetu hamutuk ba igualdade prevene no responde ba VBJ iha Timor-Leste, entaun ami hamrik hanesan testamentu ida ba komprimisu koletivu atu apoia sira ne’ebé maka vulneravel liu iha komunidade”.
Tuir Adjunta Direitora ne’e dehan, estabelesimentu espasu seguru sira iha fasilidade saúde sai hanesan pasu krusiál ida iha misaun UNFPA atu integra no institusionaliza prevensaun no resposta ba VBJ iha UNFPA nia sistema saúde” Nia hatutan.
Iha sorin seluk Adjuntu Diretór Nasionál KOICA realsa, nia parte fiar katak espasu seguru ida-ne’e estabelese iha inisiativa hamutuk ba igualdade, sai hanesan abrigu ida ba feto no labarik-feto sira ne’ebé afetadu hosi akonsellamentu ho esperansa no VBJ atu sente protejidu no hetan apoiu hodi buka servisu saúde nian ho orgullu hodi haree nia ajuda sira nia rekuperasaun.
“Fatin krusiál ida ne’e apoiu ba sira ne’ebé iha espasu sai hanesan fonte ida, komprometidu atu KOICA servisu hamutuk ho ita-nia parseiru sira hotu tantu iha Timor-Leste atu garante katak ema ida-idak bele moris livre hosi tauk no prejuízu”.
Entretantu, fatin seguru ne’e rasik hetan apoiu fundu husi agensia KOICA ho montante orsamentu hamutuk 50.727.58 $ hodi finansia ba projeitu fatin iha sentru saúde Komunitária Formoza.
Jornalista : Ermelinda Soares