Audiénsia Ho Komisaun B PN, Mahein Husu Tribunál Aslera Kazu Grave Sira

SAPNewsTL, Dili: Hafoin sorumutu ho Komisaun PN, Direktor Ezekutivu  Fundasaun Mahein Abel Amaral  hatete audensia ne’e atu ko’alia kona-ba lei organizasaun   investigasaun kriminal    ne’ebé promulga ona maibé sei kontinua mosu duvida iha públiku no sosiedade .

Iha intervista Diretor Ezekutivu Fundasaun Mahein Abel Amaral haktuir membru governu ne’ebé  halo intervensaun  ba kazu kriminal  ruma  tenki aselera  hodi submete ba iha  ministériu públiku

Fundasaun Mahein husu ba entidade estadu,  polítiku na’in sira  atu hatene nia kompeténsia  ne’ebé iha  hodi respeitu serbisu investigasaun kriminal.

“Labele halo intervensaun  ba   serbisu  investigasaun kriminal   tan lei iha,  bainhira mak ita bele tama,  bainhira mak halo investigasaun  dentru de investigasaun kriminal ninian, ita  husu ba governo no  membru governu hotu-hotu atu respeitu serbisu investigasaun kriminal atu husi PCIC  no mos serbisu  investigasaun sira seluk”. Dehan Prezidente Ezekutivu Fundasaun Mahein Abel Amaral ba jornalista sira iha Resintu parlamento nasional,Kinta-Feira, 20/10/2022.

Direktor ezekutivu ne’e hatutan kazu urjénsia no grave ne’ebe mak halo investigasaun ona tenke aslera lalais.

“Kazu  ne’ebé Fundasaun Mahein haree no  konsidera   urjensia no  grave  maka kazu  matebian ne’ebé mate iha sela laran no deskonfia tara an iha sela polisia Kaikoli, kazu asidenti Pe. Abitu  Casamiro ne’ebé mate iha Dare no mos kazu osan  dolar rihun atus ida tolu  ne’ebé autoridade polísia  prende iha Aeroportu ne’ebé deskonfia hanesan  barankamento kapitais  tanba ne’e husu ba entidade polisiál  ne’ebé  maka halo investigasaun ba kazu ne’e tenki aselera”. Tenik nia

Entertantu, Diretor Fundasaun  ne’e mos hato’o agradese ba Parlamentu Nasionál liu-liu komisaun B ne’ebé fo inisiativa bele halo lei  ne’e rasik  no sira hato’o atu  komisaun B haree potensia  konflitu, desintendimentu, desmotiva iha instituisaun sira seluk liu-liu iha investigasaun kriminal nian.

Jornalista  : Ermelinda Soares

Editor        : Luis dos Santos