Universidade Airlangga Surabaya Indonézia Fornese Bolsa Ba Timor Oan

SAPNewsTL, Dili – Funsionáriu akadémiku Universidade Airlangga Surabaya Indonézia Zamal Nasusaun informa,Universidade Airlangga Indonésia Oferese Bolsa Estudu Ba Estudante Timor oan 20 Resin, iha fakulidade hotu hodi hala’o estudu iha Universidade Airlangga Indonesia.

Universidade hamutuk 22 iha Indonésia rekruta estudante Timor oan, hodi hala’o estudu iha nivel lisensiatura no pos-graduadu kona-ba matéria oin-oin hosi Arte, Umanidade, Enjeñaria no seluk tan,” Dehan  Zamal Nasusaun ba jornalista iha Pusat Budaya Indonesia sabadu (15/10/2022).

Nia dehan, Universidade Airlangga rasik oferese bolsa estudu kompletu ba kandidatu koñesidu sira na’in 20, ne’ebé submete dokumentus kompletu no pasa intervista  univesidade sei fasilita hodi hala’o estudu iha ne’eba

Entretantu, Universidade ne’e mós haruka funsionáriu reprezentativu sira husi eskritóriu admisaun, eskola pos-graduadu, medisina, veterinaria, ekonomia no negósiu, siénsia no teknolojia, simu no foka liu ba estudu empoderamentu feto

“Timor-Leste hala’o husi nasaun 146 iha mundu ba susesu boot iha Igualdade jéneru, entre nasaun 11 iha Sudeste Asiátika, kapitál sosiál ida-ne’e relevante duni ho Universidade Airlangga nia lema eselénsia ho morál,”katak nia

Nia haktuir, Hamutuk ho antusiasmu Governu Timor-Leste nian atu dezenvolve rekursus umanus, atu fó-hanoin fila-fali kona-ba sorumutuk ikus ho Prezidente José Ramos Horta ne’ebé promete iha momentu ne’eba atu aumenta númeru funsionáriu Governu nian ba estuda iha Universidade Airlangga Surabaya.

Jornalista  : Antonio Tilman

Editor        : Ekipa Editorial