Bankada Opozisaun Prontu, Apoia Kandidatu Komisáriu KAK Ne’ebe Iha Kapasidade

SAPNewsTL, Dili : Bankada Partidu Polítiku iha Parlamentu Nasionàl hanesan Partidu KHUNTO, PD, PLP, no FRETILIN apoiu proposta governu nian Kandidatu Komisáriu Komisaun Anti Korupusaun (KAK) Sérgio Ornai no Ruy Pereira do Santos ne’ebe apresenta husi Primeiru Ministru Kayrala Xanana Gusmão

Tuir Xefe Bankada Partidu Demokrátiku (PD) Antonio da Conseição katak pozisaun PD ne’e klaru tanba hanesan bankada Governu signifika nia kandidatu mak mai husi governu ne’e rasik

“PD Bankada Guvernu, signifika Komisáriu na’in rua ne’e mai husi Guvernu ne’e rasik, Kandidatu rua ne’e mesak potensial deit ne’e laos ema foun ida, esperiensia no iha komprimisiu bainhira rai ne’e ukun an hanesan ema RENETIL, lsira nain rua sei mai Parlamentu Nasional, base de votus mak sei deside”. Tenik Deputada Bankada PD António da Conceição iha Uma Fukun PN, 18/09/2023

Deputadu Bankada PD ne’e dezeju ba konsensu iha Parlamentu Nasional, Bankada Guvernu sei halo kooperasaun ho Bankada Opozisaun hodi luta ba interese nasional

Iha Fatin hanesan, Xefe Bankada Partidu KHUNTO Olinda Guterres konsidera konsensu mak dalan ne’ebe diak liu ba Komisáriu Komisaun Anti Korupusaun, tanb ne’e KHUNTO prontu apoia

“Lori mai Parlamentu Nasional atu hetan konsensu ne’e diak liu kona ba Komisáriu KAK nian, Wainhira guvernu haruka ne’ebe tau fiar, ami prontu apoia, maibe ami sei haree nia kapasidade, labele halo diskriminasaun, Ami deklara prontu apoia total”. Olinda Guterres afirma

Vise Segundu, Bankada Partidu Libertasaun Popular (PLP) Abel dos Santos hatutan, Kandidatu Komisáriu KAK ne’ebe iha kapasidade, Bankada PLP prontu

“Bankada PLP saida mak apresenta, ema ne’e Timor oan, ita tenki fo apoiu, bainhira governu apresenta, sira mos hatene ema ne’e iha kapasidade hanesan opizisaun no Bankada PLP fo apoiu”. Abel dos Santos deklara

Entretantu, antes ne’e Vise-Ministru Asuntu Parlamentar Aderitu Hugu da Costa hateten Konsellu Ministru Deside ona hodi hili kandidatu rua ba iha Parlamentu Nasional hodi halo eleisaun.

Kadidatura ne’ebe mak submete ba Parlamentu Nasionàl ne’e bazeia ba proposta Primeiru-Ministru (PM), Kayrala Xanana Gusmão , mak Sergio de Jesus Fernandes da Costa Hornai no Rui Pereira dos Santos.

“Sira na’in rua Governu haree katak sira na’in rua bele mak Kandidatu maibe desizaun ne’e tenke iha Parlamentu no Guvernu submete ona proposta ne’e desde orseik halo aprovasaun depois submete ona ba parlementu tanba laos Guvernu mak halo Eleisaun “. Dehan Vise-Ministru Asuntu Parlamentar Aderitu Hugu Da Costa Iha salaun vila nova MNEK Quinrta-Feira (14/09).

Guvernante mos hateten Kandidatura rua ne’e Guverno propoin iha tempu ne’ebe mak Limitadu tanba haree ba Komisaun Anti Korupsaun Hanesan entidade ida ne’ebe servisu ba prevensaun No Kombate Korupsaun nian tanba ne’e mak Noni Guvernu tenke indika kandidatu nain rua hodi submete ba iha Parlamentu.

Daudaun ne’e, Bankada Guvernu hahu halo ona komunikasaun ho Bankada Opozisaun sira iha Parlamentu Nasionàl hodi buka konsensu ba kandidatu Komisáriu Komisaun Anti Korupusaun (KAK).

Jornalista: Ermelinda Soares