![Buka Moris Husi Foho To’o Sidade, Vendedor Taibesse Sofre Kobransa Ilegal & Explorasaun Buka Moris Husi Foho To’o Sidade, Vendedor Taibesse Sofre Kobransa Ilegal & Explorasaun](https://sapnewstl.com/wp-content/uploads/2023/07/IMG-20230727-WA0028.jpg)
Buka Moris Husi Foho To’o Sidade, Vendedor Taibesse Sofre Kobransa Ilegal & Explorasaun
SAPNewsTL,Dili:Vendedores iha merkadu Taibesse senti triste bainhira sira nia produtu hetan estragus, hamosu kobransa ilegal no explorasaun husi guarda seguransa iha merkadu refere, ho motante osan $0.50 to $1.00, semana ida dala tolu.
Bainhira vendedores sira la rona, no halo tuir seguransa sira nia hakarak, guarda seguransa sira via telefone ba malu hodi organiza malu, estraga hotu produtu vendores sira nian produtu no la fo espasu ba Vendedor sira faan produtu.
Tuir vendedora, Tereza Mafalda Freitas Hateten, “asaun deskontroladu ne’ebe hatudu husi Seguransa merkadu taibeesi hodi hamosu deskontenti ba vendedores sira ne’ebe mak faan sira nia produtu iha aredores merkadu nian.Ho ida nee ami ho pasensia oferese osan tuir montante ne’ebé mak sira haruka $0.50 centavus bele mos $1.00 kada semana ida dala ida dala rua ka tolu”,Dehan vendedores Tereza Mafalda Freitas ba jornalista sira iha palasiu presidencial 27/07/2023.
Vendedora Mafalda salienta seguransa sira hahu halo kobransa ilegal laos foin mk halo maibe kleur ona no bebeik, Bainhira vendedor sira fo osan mak vendedor sira sei faan iha merkadu ne’ebe mak livre bainhira la fo mak sira sei estraga produtu sira ne’ebe mak vendedores sira iha no mos duni sira husi areador merkadu nian
Osan ne’ebé parte seguransa sira halo kobransa ba vendedor sira ne’e, osan hirak ne’e lori ba hemu tua no sosa sigaru ba sira nian an ho ida nee inan feton Tereza Mafalda Freitas kontra hasoru aktu ne’ebe mak parte Segurança merkadu nian halo ba sira.
“Ami vendedores iha merkadu taibesse senti lamentavel Teb-Tebes ho seguransa sira nia hahalok tamba sira hetan vensimentu husi estadu kada fulan maibe sira halo kobransa ilegal semana ida dala rua ou tolu ba ami hirak ne’ebé faan protudu iha aredores merkadu nian”.
Iha fatin hanesan vendedores Maria Tilman De Jesus hatutan,sira mai iha ne’e hodi buka osan ba selu oan sira nia eskola tamba oan sira eskola hotu
“Ami mai buka moris iha merkadu hodi lori produtu ne’ebe ami iha mai faan iha merkadu, ami mai husi munisipiu sira hodi buka moris iha kapital ho atuasaun ne’ebe mak husi parte seguransa halo mai ami vendedores ne’e la diak mai ami”.
Nia akresenta”Seguransa Merkadu Taibesse sempre halo kobransa ilegal mai ami vendedores, bainhira ami la fo osan ba sira mak sira mai estraga hotu ami nia sasan sira no tebe aat hotu, ami nia produtu ne’ebe mak ami faan iha merkadu no duni ami ba mai halo ami la seguru hodi buka moris iha merkadu Taibesse”.
“Bainhira sira husu kobransa mak ami fo mak sira sei husik ami livre hodi faan sasan iha aredores merkadu nian hahu kedas inisiu sira halo kobransa ilegal ne’e mai ami vendedor sira iha merkadu”.
Entertantu, preokupasaun ne’e vendedores sira hato’o direta ba Presidenti da Repúblika atu solusiona problema ne’ebé mak sira hasoru kada loron iha merkadu Taibesse.
Hafoin Notisia ne’e Públika, SAP News TL seidauk halo komfirmasaun ho Autoridade Munisipiu Dili kona ba aktu sira ne’ebe Guarda Munisípiu komete ne’e Tebes Ka Lae, Nune’e SAP News sei buka hodi kompleta notisia ne’e iha tempu badak
Jornalista: Lidia Amaral & Zenoveva Lopes