CEPAD, Uniaun Europeia No MAPCOMS Lansa Manual Direitu Públiku Asesu Informasaun

SAPNewsTL, Dili: Diretor Ezekutivu Centro de Estudos Para a Paz e Desenvolvimento (CEPAD) Sr. João Boavida hateten, objetivu husi Lansamentu ne’e atu hakbi’it públiku no konhesimentu funsionáriu públiku sira kona-ba Direitu Konstituisional atu hatene, husu no simu informasaun husi Governu atu hadia sira nia moris lor-loron

Manual ne’e lansa ofisialmente husi Centro de Estudos Para a Paz e Desenvolvimento (CEPAD), Uniaun Europeia iha Timor-Leste no Ministeriu Asuntu Parlamentares no Komunikasaun Sosial (MAPKOMS) iha Salaun Novu Turizmu Dili no hetan apoia finanseira husi Uniaun Europeia (UE)

Direktor ne’e hateten dala barak sira halo konfuzaun entre informasaun ho notisia ne’ebe la hanesan.
“Bainhira ita ko’alia kona-ba informasaun presija sidadaun sira atu hatene katak informasaun ne’e mai husi Governu no Governante sira, Linhas Ministeriais Relevante sira mak akumula informasaun ba benefisiu povu nian, lori osan povu nian atu hetan informasaun no osan ne’e atu gasta oinsa moris povu nian iha Setor Politika, Ekonomia, Social no kultural”. Dehan Diretor Exekutivu CEPAD Sr. João Boavida ba Jornalista sira iha Fatin Novo Turismu Dili, 06/07.

Diretor Exekutivu CEPAD Sr. João Boavida ne’e hatutan Peskiza ne’ebe sira hala’o durante tinan rua ho pagina hamutuk ruanulu resin.

“Ema ne’ebe asesu ba notisia ne’e barak, so ke ema ne’ebe asesu ba informasaun ne’ebe bele benefisia komunidade no sidadaun tomak atu hadia sira nia moris ne’e ituan liu. Persentagem husi peskiza ne’e kuandu ami tuur hamutuk ho komunidade sira iha atus rua resin so 25% maka konhese artigo 48⁰ iha Konstituisaun RDTL nian, atu dehan deit katak 25%  ne’e hatene iha artigu ida ne’e mais sira la hatene importansia artigu ne’e nian kona ba oinsa maka artigu ne’e bele hadia sira moris “. Nia informa

Diretor Exekutivu CEPAD Sr. João Boavida ne’e akresenta Manual ne’e iha buat tolu(3) mak atu hakbiit publiku nian kona ba direitu konstituisional tuir Artigu 48⁰ iha konstituisaun RDTL, hakbiit mos obrigasaun Governante sira nian ho funsionáriu públiku sira no Hatu’ur mos dalan ba sidadaun sira oinsa bele husu informasaun ba Governante sira.

“Governu kontinua nafatin desde programa ida ne’e implementa, tanba ami servisu hamutuk ho
Representante husi Linhas Ministeriais hitu(7) maka halo parte grupu traballu nasional ba boa Governasaun CEPAD nian ne’ebe manual ne’e mo’os sai nu’udar resultadu husi kontribuisaun komunikasaun Linhas Ministeriais hitu(7) iha Grupu traballu Nacional CEPAD nian”. Nia hakotu

Jornalista :  Conzita Mota

Editor       :   Antonina Lopes da Silva