CNC Apoia Sobrevivente Ne’ebe Vulneravel Iha Likisa

Likisa :  Centro Nasionál de Chega (CNC) apoia sobrevivente Domingos ho uma ida no Grupu Mate Moris (Matemo) ho osan 5.000 dolares

Tuir Diretor ezekutivu Hugu Maria Fernandes  hateten  Chega ho membro asesoria Internasional Chega mai  haree sobrevivente sira iha Likisa Suku  Maubara,no Suku Dato,  Iha Maubara fo apoiu ba sobrevivente  uma ida ne’ebe CNC  Apoiu Ba Senhor Domingus  ho familia ne’ebe hetan kaptura husi militar sira iha indonesia, iha suku Dato Apoiu osan 5 Mil dolares  Ba  Grupu  mate moris (Matemo) ne’ebe hakiak Animal  hanesan ikan no  karau hodi dezenvolve ekonomia uma laran.

“Apoiu ida ne’e  nu’udar apoiu governo  no estadu  nian ba  vitima sobrevivente  husi funu nian, ohin mai haree uluk kona- ba  Senhor Domingus  hodi hare uma, uma ne’e ita bolu memoria ba esperansa  ne’ebe maka Primeiru Ministru inagura  iha fulan janeiru  tinan ne’e, Domingus hanesan vitima husi  kaptura todan husi militar  indonesia sira halo ba nia iha tinan 1999”. Dehan Diretor ezekutivu Hugu Maria Fernandes  ba Jornalista sira iha Likisa, 25/10/2022

Hugu hatutan, visita vítima  Sobrevivente Mate Moris (Matemo) ne’ebe iha tinan kotuk  fo apoiu osan 5 mil dolar  ba grupo ida ne’e  husi ema nain lima  hodi halo negósiu hakiak animal  hanesan karau no ikan

“CNC nia apoiu  ne’e liu husi formasaun  grupu sira  ne’ebe maka  tama iha negosiu,  ita halo uluk formasaun  ba sira  kona-ba oinsa hahu husi negosiu kiik apoiu, sira rasik deside  halo negosiu, depois CNC fo osan  nu’udar modal  kapital primeiro ba sira  maibe agora ita komesa halo akompanhamentu haree took oinsa sira halo dezenvolvimentu  ba oin”. Tenik Hugu

Iha fatin hanesan, Kordenador Grupo Matemo Miguel Piededa  dos santos  agradese ba CNC tanba apoiu ne’ebe fo bele ajuda sira dezenvolve ona sira nia kooperativa kiik oan ida

“Agradese ba CNC tab abele apoia ami, agora  grupu  ne’e rasik kontinua hakiak karau, komesa halo peska  no iha balun komesa fa’an sasan iha merkadu, Grupo ne’e rasik mos fo oportunidade ba ema atu mai impresta osan, osan ne’ebe ami hetan fulan ida hatama 15 dolar”. Hatete Miguel

Nia fundamenta, Grupo ne’e fahe ba parte rua ida kona-ba peska kail ikan, uluk sira hala’o ho Ro manual ladun hetan ikan maibe lori fali osan ne’e aumenta hodi kompleta makina Ro nian no  agora ikan mos hetan diak.

Enkuantu, iha Fa’an karau, osan sira ne’ebe hetan balu  ema deve  50 pursentu, balun 100 pursentu, husi rendimentu refere sira bele sustenta oan ba eskola, hadia fali ekonomia uma laran, no balun hola tan karau hodi desenvolve diak liu tan sira nia negosiu

Jornalista  : Ermelinda Soares

Editor         : Ekipa Editorial