Dalan Ba Dezenvolvimentu Sustentável, PR Horta Husu Serví Ho Profissional
SAPNewsTL, Dili: Hafoin fo Tomada de Posse ba Membru Guvernu Dasia Iha Palasiu Presidensial Nicolau Lobato Ai-Tarak Laran Dili, Presidente Republika José Ramos Horta haktuir sei akompanha no haree Ministériu Ida-Idak Ninia lala’ok Servisu
“Ha’u sei akompaña hare Ministériu ida-idak nia lala’ok. Iha fulan balu nia laran ita sei bele tetu no sukat Governu nia membru ida-idak ninia knaar buras no oinsá. Hanesan ita nia Primeiru Ministru dehan loloos sé de’it maka la ezekuta ninia programa ministeriál ka setoriál sei sai no troka ho ema seluk”.
Ramos Horta hatutan, “Hakarak mos fó hanoin ba ema hotu-hotu katak, tuir artigu 74º nº 1 hosi RDTL nia Lei-Inan, Konstituisaun, Prezidente Repúblika maka nu’udar mahein ba hala’ok di’ak hosi instituisaun demokrátika hirak-hotu.Ne’e be, Prezidente Repúblika maka nu’udar mahein ba hala’ok hosi instituisaun demokrátika, ha’u sei tau matan oinsá maka servisu ba komunidade hala’o loos ka lae tuir programa Governu ne’ebé aprovadu liuhosi Lei hosi Parlamentu Nasionál”. Dehan Presidente Repúblika José Ramos Horta, liu husi nia Diskursu iha Palasiu Presidensial Aitarak-laran, 01/07/2023
Xefe Estadu ne’e rekomenda Membru Guvernu no Parlamentu atu Servisu ho honestidade, Humildade no Profissionalidade durante mandatu
“Ha’u husu lisensa atu hato’o rekomendasaun ba Governu no Parlamentu Nasionál serví knaar ho onestidade, umildade, profisionalismu; hala’o knaar-lisuk hamutuk hodi hala’o dezenvolvimentu integradu no sustentável ba país ne’ebé dehan katak lori oin ida-ne’ebé ita-rain ba oin no Mes-Mesak bele rasik buras nia an”.
“Ita tama iha ASEAN ho objetivu estratéjiku nasionál no ita hotu, hamutuk, tenke haburas ho di’ak ita-nia rikusoin. Kona-ba polítika nasionál no internasionál, ita-nia lisuk hamutuk ho ASEAN tenke sai hanesan prioridade boot,”Dehan PR Horta
Ramos Horta konsidera Timor-Leste Marka kapítulu foun, wainhira hola parte dala ukuk iha sorumutu Internasionál entre País ASEAN Sira
“Timor-Leste hola parte, ba dala uluk, iha soru-mutu ho ASEAN nia líder sira, marka kapítulu foun ida iha ita-nia nasan nia história, bainhira ita to’o rohan importante hafoin dalan naruk ne’ebé lori ita hotu to’o integrasaun rejionál”.
Nia akresenta, Timor Leste tama ba ASEAN hanesan dalan ba integrasaun Ekonomia Rejional, Dame no Prosperidade inkluzivu
“Kleur ona maka Timor-Leste hakarak tama nu’udar membru ASEAN nian hanesan estratéjia ida.Tama nu’udar membru ASEAN – integrasaun ekonómika rejionál, dame no propsperidade inkluziva – la’ós de’it tatemik ida maibé prioridade ida iha polítika relasaun negósiu estranjeiru nian – no hanesan riin boot ida hodi kaer metin vida no ajenda nasionál,”informa nia.
Jornalista: Lídia Amaral