Hakarak Tama ASEAN Sedu, Xefe Estadu Husu Guvernu & Parlamentu Servisu Makaas
SAPNewsTL, Dili: Hafoin fo Tomada de Posse ba Membru Guvernu Dasia Iha Palasiu Presidensial Nicolau Lobato Ai-Tarak Laran Dili, Presidente Republika José Ramos Horta haktuir Timor Leste Nia Adezaun Ba ASEAN hodi Damen no Dezenvolvimentu Sustentável
“Timor-Leste no ASEAN nia Estadu membru seluk fahe malu hakarak hasa’e dame no dezenvolvimentu sustentável hodi lori hamutuk sasukat sósiu-kulturál no ekonómiku, fó biban mai ami atu bá oin ho tempu natoon atu bele hatán ba kualidade nu’udar membru iha futuru oin mai”.Tenik Presidente Repúblika José Ramos Horta iha Palasiu Presidensial, 01/07/2023
Presidenti Da Repúblika hatutan, Integrasaun iha ASEAN loke oportuniddde ba Timor-Leste hodi hatán ba interese no rohan dezenvolvimentu estratéjiku nian, liuliu investimentu iha riin estratéjiku nian ne’ebé sei halo di’ak ba dezenvolvimentu iha área saúde, edukasaun no kualidade vida Populasaun nian
Ramos Horta akresenta, Timor-Leste laran-metin ho banati institusionál, polítika, regulamentu hodi halo reforma, haburas rekursu umanu, investimentu iha infraestrutura estratéjika ne’ebé loke dalan ba oportunidade ba ekonomia nomós haktuir metin ba lala’ok rejionál ne’ebé iha espíritu koperasaun no respeita malu
“Ami simu ho liman rua no agradese tebes ba Estadu-Membru hosi ASEAN no parseiru sira ne’ebé hahú programa dezenvolvimentu kapasidade nia ba timoroan sira iha a´rea oioin liu husi espíritu kooperasaun no Respeitu Malu”.nia dehan
Xefe Estadu ne’e hatutan,”Iha nível Governu nian tenke reforsa kordenasaun setoriál no inter-miniteriál, liuliu ida ho responsabilidade direta hosi Primeiru Ministru bazeia ba matadalan (roadmap) hodi implementa programa governasaun nian”.
“Iha nível Parlamentu Nasionál, ha’u rekomenda Komisaun Parlamentár ida kona-ba hala’ok ASEAN nian, hodi halo la’o maka’as prosesu lejislativu ne’ebé presiza, liuliu ba ratifikasaun ba tratadu hirak hotu no aprova mos Autorizasaun Lejislativa hodi fo kbiit ba Guvernu Realiza Lejislativa ne’ebe presiza”
“Hánesan elimina dupla tributasaun, protesaun ba investimentu, komisaun ba arbitrajen kona-ba rezolusaun ne’ebé justu. Ita hotu tenke haka’as-an atu Timor-Leste bele tama formalmente no lalais ba ASEAN iha tempu Prezidénsia Indonézia nian Jokowi Nian”.
Jornalista: Lídia Amaral