SEJD Ba Ministériu, Abrão Sujere Hala’o Desportu Husi Baze
SAPNewsTL, Dili: Hafoin realiza Serimónia Hand Over iha Salaun Magna Lesidere, Eis Sekretariu Estadu Juventude Desportu (SEJD) Abrão Saldanha sujere ba IX governu konstitusional muda SEJD ba ministériu hala’o desportu husi baze tanba durante ne’e sei falta tanba rekursu umanu limitadu.
“Ha’u hakarak fo sujestaun ba Ministru Juventude Desportu no Arte Kultura katak dezde governu dahuluk to’o mai governu daualu buat ne’ebe falta mak seidauk hari’i ho diak, desportu hotu-hotu husi baze ne’e desportu iha eskola no komunidade nia leet, iha lei maibe seidauk iha sistema governasaun ba desportu iha baze tanba rekursu umanu limitadu”, dehan eis SEJD Abrão Saldanha ba jornalista hafoin hand over kargu iha eis edifisiu SEJD Lecidere, Dili segunda (03/07/2023).
Abrão hatutan, problema iha area juventude mak implementasaun planu anual ba juventude maski politika hahu kedas iha governu da neen to’o mai governu da-ualu mak aprova planu nasional ida ba juventude intengra setor hotu-hotu tau konsiderasaun ba foinsa’e sira no kona sira seluk ne’e kontinuasaun deit saida mak seidauk diak hadia no diak kontinua
Reportajen: Augusto dos Santos