Dalan Ba Kria Empregu, SEJD & UNDP Asina MoU Estimula Juventude Emprendedor
SAPNewsTL, Dili: Sekretariu Estadu Juventude Desportu (SEJD) asina Memorandum of Understanding (MoU) Ho United Nations Development Program (UNDP) atu dezenvolve Foinsa’e Timor-Leste iha area emprededorizmu
Objetivu husi MoU ne’e hodi fasilita no desenvolve foinsa’e sira iha abilidade rasik halo negosiu iha sira nia kareira edukasaun finansiamentu.
“Ohin ita asina MOU realiza projetu ida implementa ba foinsa’e sira iha Timor-Leste nune’e sei mobiliza sentru juventude atu bele ajuda foinsae sira no programa ne’e sei kobre finansiamentu husi UNDP ho governu Korea implementa iha sentru haat Comoro, Ermera, Likisa no Baucau”, dehan SEJD Abrão Saldanha iha salaun Magna SEJD Lecidere, Dili kuarta (03/05/2023).
Sekretariu Estadu hatutan, kooperasaun ne’e sei kobre area oinsa juventude buka servisu hodi dezenvolve sira nian kareira edukasaun finanseira no oinsa sira iha inisiativa halo negosiu liu husi finansiamentu fo material ba sira hodi bele halo sira nia negosiu hodi dezenvolve sira nian empreza rejistu iha Timor-Leste, finansiamentu ba programa ne’e husi UNDP hamutuk ho Korea ho montante millaun 8, investe iha Timor-Leste laran tomak
Iha sorin seluk, Diretor Nasionál SEJD David Tomas de Deus dehan, dezempregu iha Timor-Leste tinan ba tinan aumenta tanba ne’e SEJD asina memorandu ida ne’e ho UNDP
“Ita nia dezempregu tinan ba tinan aumenta tanba ida ne’e governu iha preokupasaun atu halo kooperasaun ho parseiru dezemvolvimentu sira Hanesan UNDP tanba ne’e implementa programa ne’e iha area juventude nian”, tenik David
Reportajen: Esmeralda da Silva