Delegasaun ASEAN Vizita SEJD Avalia Rekursu

Dili: Delegasaun Association of Southeast Asia Nations (ASEAN) vizita Secretário Estado Juventude e Desporto (SEJD), objetivu husi vizita ida ne’e hodi avalia no haree rekursu sira ne’ebe iha hodi prepara adezaun Timor-Leste ba ASEAN

Secretário Estado Juventude e Desporto (SEJD) Abrão Saldanha hateten delegasaun ASEAN kona ba pilar sosiu kultura mai halo avalisaun ba preparasaun Timor-Leste ba ASEAN

“Komisaun ida ba pilar sosiu kultural ninian ne’ebe maka sira mai avalia kona ba aspektu lubuk ida maka aspektu Instituisionál, Enquadramentu Legal, Legislasaun ne’ebe ita iha area Juventude no Desportu, ita nia kapasidade atu simu Reuniaun, Organizasaun, Ajensia sira ASEAN nian iha area Juventude no desportu iha ita nia rai”. Tenik Secretário Estado Juventude e Desporto (SEJD) Abrão Saldanha ba jornalista sira iha Lecidere,Dili, 07/07/2022
Secretário Estado Juventude e Desporto (SEJD) ne’e hatutan Delegasaun ASEAN ne’e ohin husu ba perguntas sira kona ba saida maka sira iha no desenvolve ona iha entermus báziku, Legislasaun, Polítika Públiku, fasilidade infranstutura ne’ebe sira iha ona no saida maka sira presija husi ASEAN hanesan organizasaun ida atu ajuda.
“Difikuldade ne’ebe ita iha maka hanesan limitasaun rekursus umanus, transferénsia de konhesimentu, transferensia de teknológi, oinsa mak sira bele ajuda ba iha parte ida ne’e no sira mai iha ne’e atu rona ita nia opiniaun haree, ita nia dokumentus sira, aban bairua maka sira sei lori ba, entaun iha reuniaun sira maka deside saida maka ita sei falta no presija kompleta”. Dehan nia

Entretantu sira mos avalia kona-ba mudansa de instrumentu no situasaun oinsa husi tinan hira liu ba kotuk

“Iha tinan hira liu ba progresu aspektu legislasaun ba nivel desenvolvimentu instituisiuonal,  ita komesa iha funsiona komisaun nasionál desportu, Lei sira ba estabelese komisaun Nasional Desportu, Politika Nasional ba Desportu, Politika Nasional ba Juventude, Komisaun Nasional ba Juventude no ita iha dekretu sira ba iha utilidade publika aspektu infranstutura hanesan voleibol, hahu realiza jenágiu, ita konstrui tiha oan estadiu Munisipal tolu(3) maka konkluidu ona, no balu iha hela prosesu konstrusaun sira”. Tenik nia

Enkuantu Secretário Estado Juventude e Desporto (SEJD) mos apresenta ba sira kona ba difikuldade no esperiensia sira ne’ebe iha kona-ba organiza eventus internasional sira hanesan CPLP nian iha tinan hira liu ba, partisipa jogo ASEAN nian, atividade juventude nian hanesan konferénsia iha ASEAN nian, nia aprezenta mos Difikuldade atu sira akolla iha revizaun politika Nasional ba Juventude para alinha ho vizaun ASEAN nian.

Jornalista  : Pascoela da Conceição

Editora      : Antoninha Lopes