Departamentu Enjenharia Sivil FECT-UNTL Realiza Semináriu
SAPNEWSTL , Dili : Departamentu Enjenharia Sivil, Fakuldade Enjenharia Siénsia no Teknolojia UNTL, liu husi Estudante finalista 2017 realiza Semináriu ba estudante sira ho tema hamutuk hametin relasaun entre estudante no kapasita Estudante Iha Area Enjenharia Sivil, objetivu husi semináriu ida ne’e atu fahe informasaun, transmite matenek no experiensia husi peritus sira husi instituisaun governu no setor privadu sira
Iha intervista Director Departamentu Enjenharia Sivil Alfredu Fereira hateten tinan-tinan estudante finalista sira sempre halo programa ba semináriu akadémiku.
“Departamentu Enjanheria Sivil ninia programa ne’e tinan tinan finalista sira sempre halo programa ba seminario akadémiku ho objetivu atu fahe informasaun, matenek no experiénsia no mos atu simu informasaun matenek sira husi husi liur kona-ba area konstrusaun sivil liiu sira husi instituisaun guvernu, setor privadu inklui prefossor sira”. Dehan Director Alfredo Ferreira ba Jornalista SAPNewsTL iha Auditorium FECT-UNTL Hera, 16/09/2022
Diretor ne’e hatutan finalista hot-hotu antusiasmu hakarak finaliza lalais sira nia traballu final, maibe sei iha kritériu ne’ebe presija kumpri foin bele finaliza
“Sira ne’ebe mak finalista ona, sira hot-hotu iha antusias hakarak lalais atu finaliza sira ninia trabalhu final , maibe iha kriteriu akademiku ne’ebe maka presija kumpri mak bele finaliza ninia traballu final”. Tenik nia
Enkuantu, director ne’e husu ba estudante finalista no estudante ativu sira hotu atu estuda nafatin, badinas aprende buat foun, disiplina hodi hala’o sira nia misaun nu’udar estudante atu nune’e sira bele hotu lalais iha tempu ne’ebe mak determina iha regulamentu akademiku UNTL ne’e nian
Iha fatin hanesan, Orador Mariano Renato da Cruz atual Diretor Ajénsia de Desenvolvimentu Nasionál hateten estudante tenki kriativu, inovativu no produtivu hodi hadia nia kualidade hodi prepara ba desenvolvimentu nasionál
“Imi Estudante tenki iha kreatividade, inovativu, produtivu no buka aprende nafatin, nune’e bele iha kualidade diak hodi partisipa iha kampu de traballu iha future”. Dehan Renato iha nia Palestra ba estudante sira iha FECT-UNTL Hera
Enkuantu, semináriu refere organiza husi estudante Finalista anu letivu 2017 Enjenharia Sivil, hetan partisipasaun maksimu husi Diretor Ajénsia Desenvolvimentu Nasionál, vise prezidente Cámara Comersiu Insdustri Timor Leste (CCI-TL), Representante Dekanu FECT, Diretor Departamentu Engenaria Sivil, Estudante Finalista no Estudante ativu sira kuaze atus haat.
Iha fatin hanesan, Estrutura Nukleu Estudantil sesante mos estrega ofisialmente nia mandatu ba esturutura foun periodu 2022-2023, inklui entrega sertifikadu husi estudante finalista ba orador sira nu’udar sentidu rekonhesimentu ba orador sira
Jornalista : Antoninha Lopes da Silva
Editor : Luis Pailofo