ANAAA Avalia Departamentu Enjenharia Sivil No Informátika FECT-UNTL
SAPNewsTL, Dili : Agénsia Nasionàl Para Avaliação Acreditação Acadêmica (ANAAA) Halo Avaliasaun Ba Departamentu Engenharia Civil no Enjenharia Informatika Fakuldade Enjenharia Ciénsia no Teknolojia UNTL, Iha Intervista ho Xefe Departamentu Enjenaharia Sivil Alfredo Ferreira hateten objetivu husi Avaliasaun ne’e atu haree Sistema no rekursu departamentu nian hodi bele hadia diak liu tan ba futuru
Director Departamentu Enjenharia Sivil ne’e hateten Akreditasaun ne’ebe ANAAA fo ba departamentu ne’e iha esperansa sei hetan resultadu ne’ebe mak diak hodi atinji ninia vizaun.
“Avaliasaun akreditasaun ne’ebe mak ANAAA fo mai iha Departamentu Enjenharia Sivil iha esperansa katak resultadu servisu hamutuk ho estudante, alumni, Stakeholder sira no professor sira, ita espera katak sei hetan resultadu diak hodi fo nafatin motivasaun ba departamentu Enjenharia Sivil hodi hadia diak iu tan ninia Sistema no rekursu sira ba futuru.” Dehan Diretor Deparatmentu Enjenharia Civil ba Jornalista SAPNewsTL iha Auditorium FECT-UNTL Hera, 16/09/2022
Entretantu, Iha Avaliação Refere ANAAA Observa, Verifika no Monitoriza Sistema Ensinu, Sistema Akademika, Sistema Online inklui Sistema Sira seluk ho Diretor Departamentu, Korpus Dosentes, Stakeholder, Estudante Ativu no Alumni sira
Ekipa Avaliador ANAAA mos Vizita Fatin Servisu, Sala de Aulas, Sala Estúdu, Sala Seminar, Sala Reuniaun, Laboratorium Departamento Engenharia Civil hanesan Laboratório De Material, Laboratório de Pavimentação, Laboratório Hidráulica, Laboratório de Geotecnia Ka Solos inklui visita Biblioteka no Auditorium Fakuldade nian
Tuir observasaun Jornalista iha terene nota katak, Iha Avaliasaun Refere Estudantes Ativo Sira Aprensenta Progressu Estudante Sira hanesan Site Visit, Peskija Sientifika, Servisu Sosial, Kreatividade Estudante, Liu husi Banner no halo Apresentasaun Ba Avaliador ANAAA nian
Iha Sorin seluk, Alumni Sira mos halo Apresentasaun ba ANAAA kona ba sira nia Involvimentu Sira Ne’ebe Sira hatudu Liu husi Sira Nia Prestasaun Servisu iha Kompanha Internasional no Nasionàl Sira, Instituição Guvernu no Setor Privadu Sira
Iha Biban hanesan, Stakeholder Sira mos apresenta ba ANAAA kona ba kualidade alumni Sira nian iha Sira Nia Fatin Servisu Ida Idak, Sira mos Apresia no Agradese ba Ba Estudante Sira Nia preparasaun maksimu Wainhira sei iha Prosesu Ensinu
Enkuantu, avaliasaun refere la’o durante loron rua, 12-13/09/2022, iha Ne’ebe hetan Partisipasaun maksimu husi Reitor UNTL, Dekanu FECT, Diretor Departamentu no Docente 16 Departamentu nian, inklui Reprezentante Estudante Ativu no Alumni Sira
Portantu, Objetivu husi Avaliasaun ne’e atu haree no hadia Diak Liu Tan Departamento ninia Sistema Sira ba Futuru Hodi garante kualidade Ensinu no Kualidade Estudante Sira iha Futuru, antes ne’e Departamentu Enjenaria Civil hetan Akreditasaun husi ANAAA hetan valor C, iha tinan 2017, Hafoin ekipa sei halo avaliasaun hodi fo valor akreditasaun ba departamentu refere iha tempu badak.
Estudante Ativu Departamentu Engenaria Sivil hamutuk 599 no docente hamutuk 16, husi Tinan 2012 to’o 2022, Departamentu Engenharia Civil Konsege Regista 1101 Estudantes no Konsege produz ona Graduadu Hamutuk atus rua resin
Entretantu, tuir Diretor ne’e afirma ba futuru Departamentu Enjenharia sivil sei hadia diak liu tan Sistema ensinu akademiku, haforsa Peskija sira no fo kontribuisaun ba komunidade liliu liga ba area konstrusaun sivil
Enkuantu, ANAAA mos avalia ona Departamentu Enjenharia Informatika fakuldade enjenharia siensia no teknolojia UNTL molok avalia Departamentu Enjenharia Sivil iha semana kotuk
Jornalista : Dulçio Antonino da Silva
Editor : Luis Pailofo