MUSA Konsidera Rekrutamentu Ba F-FDTL 2022 Nakonu Ho Irregularidade

SAPNewsTL, Dili : Relasiona ho Divulgasaun Prosesu no Kritériu atu haboot-liu tan instituisaun F-FDTL, iha loron 15, fulan Jullu 2022, Ministériu Defeza liu-husi Komisaun Rekrutamentu husi F-FDTL hasai nota Númeru 20/COREC/QG-FALINTIL-FDTL/01, Rekrutamentu FALINTIL-FDTL tinan 2022 ho natureza REJIME JERÁL, Iha Komunidau Imprense Movimentu Universitariu Sachal konsidera Komisaun Prátika Irregularidade no Laiha Transparénsia

“Kandidatu hirak ne’ebé pasa bazeadu ba kritériu tolu diferente hanesan Kritériu Jerál, Kritériu Espesifiku, no Kritériu Eliminasaun ba Aplikante sira tuir Anunsiu Públiku ho nota Númeru 20/COREC/QG-FALINTIL-FDTL/01, komisaun rekrutamentu F-FDTL 2022 halo teste ba aplikante sira avaliasaun durante fulan ida hodi resulta kandidatu na’in 600 mak pasa sai membru militár, MUSA deskonfia prosesu rekrutamentu nakonu ho irregularidade no laiha transparensia”. Tenik Argelino Bernadino Vilela iha Kampus Sentral UNTL, 16/09/2022

Porta Voz ne’e akresenta, Rezultadu teste no avaliasaun ne’ebé fó sai ba públiku hamosu preokupasaun lubuk ida husi kandidatu sira ne’ebé la pasa, kandidatu barak mak ladún satisfás ho rezultadu refere, hafoin rona preokupasaun husi kandidatu sira ne’ebé la pasa, Movimentu Universitarnu Sachal (MUSA) deskonfia katak prosesu rekrutamentu ne ‘ebé halo husi komisaun rekrutamentu F-FDTL 2022 laiha transparènsia no nakonu ho iregularidade ka espesifiku-liu, nakonu ho politika nepotizmu ka sistema familiarizmu, tanba tuir faktus no evidénsia balun ne’ebé MUSA hetan husi Kandidatu sira

“Kandidatu balun la iha diploma ensinu sckundániu ka la kompleta kritériu jerál maibé sira bele tuir kritériu espesifiku, ikus naran sai iha reszultadu avaliasaun teste final, Kandidatu balun elimina tiha ona iha teste tuir kritériu espesifiku (teste saüde) maibé naran sai iha rezultadu avaliasaun rekrutamentu final, Kandidatu balun la submete dokumentu, maibé naran sai no Kandidatu balun kompleta duni kritériu hotu-hotu, husi kritériu jerál, kritériu espesífiku,no kriteru eliminasaun ba aplikante sira maibé naran la sai tiha rezultadu avaliasaun teste final”. Porta Voz Argelino Sublina

Entretantu, Porta Voz ne’e husu ba Prezidente Repúblika, Ministériu Defeza no Xefe Estadu Maiór Jenerál F-FDTL nian katak, aktu irregularidade hirak ne’ebé mosu iha rekrutamentu ba militár foun F-FDTL , tinan 2022, haree hikas prosesu sira tanba kontra ona konsagrasaun númenu 2 husi Arügu 49 Konstituisaun RDTL haruka kona-ba (Defeza soberania nian), inklui kontra mós Artigu 146 Konstituisaun RDTL haruka kona-ba (Forsa Armada sira) tanba la respeita orden konstitusionál

Movimentu Universtariu Sachal (MUSA), ho naran Juventude Loriku Aswa’in no povu maubere tomak ezije Prezidente RDTL Dr. Jose Manuel Ramos Horta, Ministeriu atu haree kle ‘an iregularidade hirak ne’ebe deskonfia akontese iha prosesu rekrutamentu tanba ne’e bele hamonu kredibilidade instituisaun F-FDTL iha Povu Maubere tomak nia matan no mós hamosu deskonfiansa ba F-FDTL hanesan liman kro’at povu maubere.

MUSA mos husu ba Tenente Jeneral Falur Rate Laek hodi buka hatene no investiga irregularidade sira iha prosesu rekrutamentu hodi fo sansaun rigorozu ba membru Sira ne’ebé komete tuir Estatutu no Lei Organiza Instituisaun F-FDTL nian.

Iha biban hanesan Movimentu ne’e mos husu atu antisipa aktu hanesan akontese iha futuru

“Ami mos ba Ministériu Defeza atu hari’i ekipa kontrolu ida hodi bele halo kontrolu ba rekrutamentu bainhira F-FDTL halo rekrutamentu ba militar foun hodi bele fó oportunidade ba Joven Timor-oan tomak atu bele sai militar hodi servi nia estadu no garante independénsia nasionál, integridade territorial no seguransa externa liu-husi Instituisaun F-FDTL”. Nia hatete

Entretantu, Hatan ba kestaun ne’e, parte komisaun rekrutamentu Tenente Koronel Mari baptista Bersama hatete buat hotu la’o tuir nia prosesu, estudante sira hanesan akadémiku tenki mai ho faktus tanba iha prosesu teste nia laran kandidatu barak ninia kondisaun saúde no kondisaun fisika la tuir prense kritériu sira ne’ebe eziste

“Kandidatu sira labele avalia sira nia an, iha avaliador ne’ebe avalia, Komisaun iha doutor espesialista nain lima, iha avaliador ba teste fisika no intervista, portantu, iha laliu ne’e tanba sira la prense kritériu ruma iha ne’eba”. Dehan Mario Bersama

Portantu, komisaun rekrutamentu F-FDTL 2022 simu kandidatu sira hamutuk ema na’in 1.423 ne’ebé kompostu husi feto kuaze ema na’in 152 ka porsentu 10,75% husi númeru total kandidatu sira no mane kuaze ema na’in 1.271 ho porsentu 89,25%, iha ne’ebe resulta ema nain atus neen (600) mak konsege pasa iha iha prosesu rekrutamentu hafoin halo teste durante fulan ida

Enkuantu, Kadetes foun sira ne’ebe pasa, sei apresenta an iha loron 20 fulan setembru tinan ne’e hodi tuir treinamentu

Journalista : Joao Marito & Conzita Mota

Editor         : Luis Pailofo