Despede Traballador 73 ! SEFOPE Afirma Futuru Hatudu Deit Sertifikadu, La Tuir Teste

Imajem : Diretor Jeral Sekretario Estadu Formasaun Profesionàl no Empregu Carlito Rozário Cabral hamutuk ho traballador sira iha salaun Sefope Caikoli, Quarta (24/04/2024)

SAPNews TL, Díli – Diretor Jeral Sekretario Estadu Formasaun Profesionàl no Empregu (SEFOPE sigla Portugués) Carlito Rojário Cabral kontinua despede trabalhador Timoroan Re-entri 74 kompostu husi feto 18 no mane 56 ne’ebe desloka ba serbisu iha nasaun Australia iha area agrikuktura durante fulan neen to’o fulan sia (9).

Diretor Jeral SEFOPE Carlito Rozário Cabral hateten, trabalhador Timoroan sira presija mantein serbisu tuir kompremisiu ne’ebe sira hala’o ho Governu Timor-Leste no Governu Australia, bainhira ba serbisu iha ema nia rai trabalhador sira labele ses husi sistema atu nune’e labele prejudika maluk sira ne’ebe agora hein hela processo teste.

“Ita nia trabalhadores sira ne’ebe atu ba serbisu iha Australia hamutuk ema nain 74 kompostu husi feto 18 no mane 56 maibe kolega ida horseik mate, entaun trabailhadores 73 mak sei desloka ba Australia, maioria trabalhador hirak ne’e balun ba serbisu dala rua (3) ou dala tolu” Dehan Diretor Jeral Sekretario Estadu Formasaun Profesionàl no Empregu Carlito Rozário Cabral ba Jornalista sira iha salaun Sefope Caikoli, Quarta (24/04/2024)

Nia hatutan trabalhador 73 ne’e maioria iha agrikuktura tamba sira ho tempu badak Fulan neen (6) to’o Fulan sia (9) ne’ebe sira hotu iha area agrikultura feto iha sanulu resin ualu mane lima nulu resin neen maka ohin Sefope despedida, trabailhador sira serbisu depende ba kontratu entre Governu Timor-Leste ho Australia ho durasaun fulan neen.

Aleinde despedida trabailhador 73, Sekretario Estadu Formasaun Profesionàl no Empregu, haktuir, resultadu teste eskrita konklui ona iha Munisípiu 13 inklui RAEOA, agora Sefope sei forma ekipa ida atu halo koresaun ba materia eskrita hafoin Publika resultadu teste, se mak pasa iha prosedur teste eskrita no ema ne’ebe mak pasa iha processo entrevista, pasa iha sistema prontu atu serbisu ida ne’e mak empregador sira husu Sefope oferese.

“Ita nia joven sira atu responde manda ne’ebe kada nasaun sira presiza konesimentu basiku kona-ba lian ingles hodi komunika ho kompanhia sira iha prosesu serbisu iha nasaun Australia, nune’e labele hamosu dezentendimentu entre trabalhador ho empregador sira iha serbisu fatin tenki koalia ho nia patraun, ho diak”

Nia argumenta, tuir planu semana oin Sefope sei halo rekrukamentu ba formador sira kada munisipiu, ema nain hat (4) sira mak sei fó formasaun ba kandidatu sira ne’ebe seidauk teste ou la liu pasa iha teste eskrita nune’e Sefope sei fó nafatin oportunidade tuir Formasaun iha ida-idak nia Munisípiu.

“Ita hanoin ona katak bainhira trabalhador sira hetan ona sertifikadu ba futuru mekanismu ne’ebe Sefope sei halo maka ema ne’ebe iha sertifikadu formasaun sei la tuir teste eskrita maibe entrevista importante mak ema ne’e hatudu sertifikadu ingles, sei la tuir eskrita ba entrevista direitamente tama ona iha sistema, sistema ida ne’e ita fasilita politika ba ita nia joven sira”

Diretor Jeral ne’e afirma, Sefope sei kopera ho Organizasaun lian inglesa ka SOLS iha munisípiu atu nune’e bele fasilita Formasaun lian ingles ba joventude sira ne’ebe aplika ona vaga atu ba serbisu iha Australia, agora aplikante sira hein hela prosessu tomak Sefope sei implementa iha tempu badak tuir planu ne’ebe iha.

Entertantu, fazeadamente Sefope agora halo prosesu registu teste lian Corea ba joventude sira, diresaun loke ba publiku pesoal ne’ebe aprende no iha koiñsementu lingua Corea bele registu tuir tes fulan kotuk, Sefope loke iha GMT loke ba publiku pesoal rasik tuir formasaun iha sentru ida maibe nia hatene lian Corea nia bele registu tuir teste.

“Ita halo formasaun atu hatene lingua, meius balu presija aprende rasik bainhira hatene ona loke registu hotu-hotu bele ba registu ba tuir teste Lian Corea”. Nia informa

Jornalista : Eleonora Fátima dos Santos