Dezastre Naturais Iha Maubara Rezulta Uma 100 Hetan Estragus

SAPNewsTL, Likisa – Komunidade Suku 6 husi munisipiu Liquisa Postu Administrativu Maubara, enfrenta dezastre naturais, Tuir Administrador Postu Administrativu Maubara,Deonizio Usnaat hateten Anin bo’ot ne’ebe mak akontese iha semana kotuk, iha munisipiu liquisa rezulta suku 6, kuaze Uma kain 100 hetan estragus

“Foin lalais ne’e akontese dezastre naturais (anin bo’ot) iha munisipiu liquica postu Administrativu Maubara iha suku ne’en (6) mak hetan akontese dezastre naturais no kuaza uma kain atus ida mak hetan estragus”, dehan Administrador postu Administrativu maubara, Deonizio usnaat, ba joranalista Sira iha, edifisio BTL kaikoli, Tersa (10/01/2023).

Nia haktuir katak parte governu oferese ona material ba komunidade sira ne’ebe mak nia uma hetan estragus nune’e nia husu ba vitima sira hodi konstrui uma iha fatin ne’ebe seguru

“Iha Segunda liu ba governu autoridade lokal husi munisipiu liquica no postu administrativu Maubara foin oferese material no Osan ba Uma kain ne’ebe mak hetan dezastre no sira kontente tebes ho material ne’ebe mak husi autoridade lokal husi postu Maubara fornese ba sira. Nune’e mos husi autoridade lokal fo hanoin nafatin ba komunidade no uma kain ne’ebe mak hetan dezastre katak hetan ona ajuda husi governu no autoridade lokal sira tenki halo uma iha fatin ne’ebe mak seguru no la risku ba dezastre ne’ebe mak agora daudaun komunidade sira hasoru” Nia dehan

Adminstrador ne’e tenik, governu liu husi MSSI, DDN no protesaun sivil fo ona material no osan ba vitima sira nune’e nia apela ba komunidade sira hotu hodi rona informasaun husi diresaun meteorologia hodi bele antisipa bainhira iha dezastre naturais
“Dezastre ne’ebe mak akontese iha postu maubara ne’e hetan apoiu husi MSSI, DDN no protesaun sivil, sira nia apiuo ne’e fornese Osan ho material, komunidade sira tenki atensaun rona, alerta ne’ebe mai husi ita nia diresaun sira karik iha informasaun anin udan boot Presiza buka fatin seguru, halo uma iha fatin ne’ebe seguru para labele hetan dezastre no rona autoridade sira para hetan salvasaun ba dezastre sira”Hakotu nia.

Entertantu dezastre naturais ne’ebe mak akontese iha munisipiu liquica resulta Uma kain atus ida(100) mak hetan estragus nune’e suku Batubou Uma kain 12, Wekenia 10, Bubleur 22, Gisnu 26, Uatuboro 14, Lisadila 16 no maioria komunidade sira ne’ebe Hetan dezastre Agora daudaun evakua ona ba fatin seguru.

Jornalista : Antonio Tilman