Povu Hakfodak Sasan Presu Sa’e, KHUNTO Husu MF Tun Ba Terenu Sensibiliza Lei

SAPNewsTL, Dili: Partidu Khunto liu husi Deputadu Antoninho Verdial husu ba Ministeriu Finansa (MF) tun ba terenu hodi halo sensiabilizasaun lei ne’ebe mak aprova iha parlamentu nasional ba komunidade hodi sira bele hatene no la bele halo povu sira hakfodak bainhira rona sasan folin sa’e iha loja sira no merkadu sira

“Ha’u husu Ministeriu Finansa tun ba terenu hodi sensiabiliza lei ba povu, nune’e bainhira sasan folin sa’e ema la bele hakfodak hodi hare sasan folin sa’e, labele depois sasan presu sa’e mak Ministeriu finansas foin esplika fali katak lei ne’e aprova antes tiha ona ho ida ne’e mak halo ema sira ne’ebe mak seidauk komprende lei ne’e sira hasa’e sasan nia folin tuir sira nia hakarak”, dehan deputadu bankada KHUNTO Antoninho Verdial ba jomalista sira iha Parlamentu Nasional tersa (10/01/2023).

Deputadu ne’e hatutan presu sasan ne’ebe mak sa’e iha merkadu la bele fo sala ba vendedor sira maibe husu atu governu tenki iha responsabilidade, maski parlamentu mak aprova lei ida ne’e, lei ne’e governu hodi mai liu husi konsellu ministru

Nia informa, iha munisipiu sira sasan folin sa’e liu fali iha kapital Dili nian governu tenki efetiva antes tun ba terenu tenki halo servisu ho responsabilidade, tun ba iha terenu esplika diak ba loja nain ka kios sira konaba taxa ne’ebe mak sa’e ne’e validu ba sasan saida nune’e sasan hirak ne’e mak folin sa’e laos produtu sira seluk mos folin sa’e hotu
Deputadu bankada Khunto Antoninho Husu ba Ministeriu Finansa haree didiak ba situasaun hirak ne’e, bele esplika diak ba ema hotu nune’e sira bele kompriende diak konaba lei hirak ne’e nune’e sira la bele hakfodak bainhira hare sasan folin sa’e.

Enkuantu, antes ne’e Ministru Finansas Rui Augusto Gomes haktuir iha OJE 2023 ne’ebe hetan ona aprovasaun husi parlamentu nasional no promulgasaun husi presidente republika Jose Ramos Horta ktak guvernu introduz impostu seletivu foun ne’ebe inklui 10% impostu ba karreta ho valor $ 10.00, 20% ba karreta ho valor liu $25.00, 30% ba karreta ho valor liu $50.00, impostu ba konsumu tabaku no produtu tabaku seluk $50 kada kilograma ba $100.00 dola kada kilograma, impostu ba konsumu foun $1.00 daka kilograma ba masi midar, impostu ba ebidas asukarada hanesan fanta, coa-cola, sunkist, sprit, dellos tanba atu proteje saude publika sidadaun sira nian

nune’e mos Guvernu liu husi Ministeriu Finansa mos sei hasa’e impostu importasaun husi 2,5% ba 5%, portantu impostu hirak ne’e tuir projesaun reseitas domestika sei sa’e to’o $174,9 millioens iha 2023, iha 2022 autoriedade aduaneira kolekta ona reseitas aduaneira hamutuk $100.7 millioens ba kofre estadu liu tiha reseitas aduaneira iha tinan 2021 ho montante hamutuk $67,9 millioes

JORNALISTA:LIDIA AMARAL