Dezenvolve Projetu Greater Sunrise, Austrália Sei Halo Estudu Viabilidade Ekonómiku
SAPNewsTL, DILI- Representante Australia ba Great Sunrise Steve Btack, hasoru malu ho Primeiru Ministru, Kay Rala Xanana Gusmão hodi ko’alia kona-ba maneira hodi dezenvolve Kampu Great Sunrise
Tuir representante Australia ba Great Sunrise, Steve Btack katak enkontru Ohin nia sira koalia kona-ba ba maneira atu dezenvolve Projetu Great Sunrise, Austrália sei servisu hamutuk ho Timor-Leste hodi dezenvolve Great Sunrise ho maneira teknikamente no viável negosialmente
“Australia rekonhese projetu Great sunrise importante teb-tebes ba Timor-Leste, Australia iha komitmentu atu servisu hamutuk ho Timor hodi dezenvolve projetu ida ne’e ba oin ho maneira ida ne’ebe teknikamente no viavel, negosialmente ba projetu ida ne’e”Dehan Representante Australia ba Great Sunrise Steve Btack ba Jornalista sira iha palasiu Governu, Segunda-feira(18/09/2023)
Nia haktuir katak tinan oin mai iha fulan julhu representa ba Great Sunrise sei mai tan hodi diskute liu tan kona-ba atu dezenvolve projetu Great sunrise ba oin
“Ida ne’e laos ha’u nia vijita ba dala uluk maibe ne’e ba dala ha’at hanesan representante Great sunrise nian no sei iha vijita hodi diskuti liu tan dezenvolvimentu projetu ne’e ba oin iha tempu badak iha tinan oin fulan julhu”nia informa.
Representa Australia ba Great Sunrise ne’e hatutan katak Timor-leste dezeju atu Great Sunrise mai Timor-Leste maibe sei iha estudu Viabilidade ekonómiku
“Ami komprende governu Timor nia dezeju atu lori projetu Great sunrise mai Timor maibe ami tenke hare’e mos estudu ne’ebe mak agora dadaun atu halo ba viabilidade ekonómiku ne’ebe mak sei fornese ba Timor no kompanha hotu ne’ebe mak envolve iha projetu ida ne’e”Nia haktuir
Entretantu, antes Ministru Petroleu e Rekursu Minerais (MPRM) Francisco da Costa Monteiro haktuir katak Guvernu Timor Leste sei esforsu hodi prepara rekursu sira ba dezenvolvimentu Kampu Greater Sunrise, Iha possibilidade sei hahu nia konstrusaun iha tinan 2026 no 2027
Jornalista : Marcela Mery da Costa