DG ho JDS Presta Deklarasaun Iha PCIC, José : Dalan Hamate Liberdade Imprensa

SAPNewsTL, Dili: Jornalista  Domingos Gomes  ho Xefi Redasaun Jorginho dos Santos presta ona deklarasaun iha Polisia sientifika investigasaun kriminal (PCIC sigla portuges) hafoin hetan notifikasaun husi ministeriu publiku ba publikasaun notisia kona kazu orsamentu partidu Khuntu nian

Domingos afirma,  dokumentu ne’ebe maka husi PSIK ko’alia ba jornalista no fontes balun, maibé  jornalista nafatin firme nia posisaun hodi defende liberdade imprensaun no segredu ba jornalista la iha kompetensia hodi ko’alia fontes ne’e.

“Sira husu liu kona-ba notisia komisariu ninian, ne’e ha’u telefone duni ba maibé ida ko’alia kona-ba fontes ne’e ha’u lahatene ne’e redasaun mak hatene, dokumentu saida-saida ne’e redasaun mak hatene”  Domingos Gomes afirma ba jornalista iha edifisiu PCIC   Colmera, Dili (sesta, 23/12/2022)

Domingos hatete, karta notifikasaun husi ministeriu públiku ne’e dirije  individu laos  la’ós ba instituisaun no pesoal ne’ebe mak komete mak hodi hatan iha PCIC

Nia dehan,  PCIC nia preokupasaun ba kazu ligadu ho osan 130 mil ne’ebé husi membru khunto tenta atu lori sai ba estranjeiru nian, ba publikasaun iha jornál independente.tl nian, no atu fo esklarese ba publikasaun ida ne’e, maibé tuir lei komunikasaun sosial la hatete hodi fo sai ba fontes sira ne’e tanba ne’e segredu ba jornalista, bainhira kazu ne’e ba oin

Enkuantu diretor independent.tl, José Sarito Amaral argumenta, kazu nia kontinuidade dahuluk nian, ne’ebé husi PSIK hodi hasoru jornál independente ne’ebé PSIK halo karta notifikasaun ba Xefe Redasaun Jorjino dos Santos ho Jornalista Domingos Gomes, ne’ebé sai preokupasaun no karta notifikasaun la iha asunto ida ne’ebé mak forti hodi halo notifikasaun ba obra jornalista ninian.

“Ha’u hatete fila fila katak karta ne’e sala sala kamar nafatin loloos karta ne’e la’ós ba ami, tanba kuandu prefere ba individu mak depois to’o iha inkeritu mak husu fali to’o iha obra jornalistika ne’e la’ós individu ne’e instituisaun nia problema, karik ita ko’alia kona-ba instituisaun nia problema responsabilidade masimu husi Diretor ou sefi redasaun mak responsbiliza masimu ba kazu ne’e”. dehan Diretor

Nia hatutan, kazu ne’ebé mosu iha Ministeriu públiku sira halo privatiza ba individu hodi halo inkeritu ba jornalista independente ne’e halo manobra ida hodi hamate liberdade da imprensa, no obra jornalista ne’ebé mak iha eru hodi submete ba lei komunikasaun sosial no 5/2014 artigo 19, segredu jornalista nian la temi fontes nian naran no tribunal mak iha kompetensia hodi ko’alia sai.

“Maibé sira privatiza tiha kazu instituisaun ne’e mai iha individu atu hafasil atu sira bele inkeritu ba ha’u nia jornalista sira ne’e manobra ida halo manobrasaun ida ne’e bele hamate liberdade imprensa, tanba ita hahu hatete fila fila katak loloos ami kestiona obra jornalistika, ami sei la ko’alia buat ida, ami submete ba iha lei komunikasaun sosial no ami sei kaer metin artigo 19, katak ami sei la ko’alia sai buat ida ne’ebe ami La hatene no ami hatene so temi de’it iha tribunal” tenik diretor

Sarito afirma, iha artigo 34, iha publikasaun ba notisia ne’ebé iha eru ruma ga iha failansu ruma no insatisfaz ba públiku, iha lei hatete hodi bele halo resposta no halo notifikasaun maibé to ohin loron la iha ida mak halo ratifikasaun no sira iha direitu resposta ba notisia ne’ebé públika iha jornál independente.

Journalista:Joao Marito & Ermelinda Soares