Dom Leandro : São João Bosco Husu Foinsa’e Sira Haksolok Hamutuk

SAPNewsTL, Lautem: Iha missa solenidade festa São João Bosco Bispo Dioseze Baucau Dom Leandro Maria Alves hateten São João Bosco bolu atensaun ba joven sira atu haksolok hamutuk maibe hases an husi sala

Bispo Dioseze Baucau Dom Leandro Maria Alves haktuir São Bosco bolu joven sira atu haksolok maibe labele sala no lakon nia klamar.

“São João Bosco bolu atensaun ba joven sira atu haksolok, São João Bosco mos hanorin dehan haksolok maibe labele lakon imi nia klamar katak haksolok hamutuk ida ne’e importante haksolok to’o Na’i maromak mai foti ita maibe keta atu halo sala”. Dehan Bispo Dom Leandro Maria Alves iha parokia São Paulo Lospalos, Kuarta 31/01/2024

Dom Leandro hatutan ita bele haksolok tanba moris ne’e grasa ida maibe hadook an husi sala no labele moris iha pekadu.

“Ita bele haksolok hamutuk maibe hases an husi ita maka pekadu buka atu labele moris iha pekadu
ida ne’e maka São João Bosco ko’alia, bolu joven sira fo hanoin ba joven sira fo hanoin ba ema hotu-hotu dehan ita haksolok duni tanba vida ne’e grasa ida, ne’e maromak ninia don ida”. Tenik Bispo Baucau

Bibi Atan Dioseze Baucau ne’e aumenta haksolok la ho sala ne’e dehan katak ita haksolok ho Na’i maromak

“Ita haksolok, wainhira ita haksolok sein pekadu hatudu katak ita haksolok ho Na’i maromak ita moris ho Na’i maromak ita nia kontente ne’e lori ema mos ba hahi maromak”. Bispo Leandro afirma

Bispo Leandro fundamenta “Hanesan joven ne’ebe mak São João Bosco sai hanesan matadalan, ida ne’ebe fundador hadomi teb-tebes joven sira sempre sama atensaun ba joven sira atu moris iha ksolok maibe hases mak husi pekadu”. Bispo salienta

Aman ba Dioseze Baucau ne’e akresenta pekadu ne’e mak hahalok ida ne’ebe disturba ita nia maluk sira, la fo hakmatek ba ita nia maluk sira no ita nia sosiedade.

“Agora realidade ne’ebe ita haree mak hanesan ne’e ema barak disturba ema seluk ninia moris hakmatek ema barak ne’ebe mak hasai ema seluk ninia vida ida ne’e hatudu katak ita la moris iha Na’i maromak nia grasa ita moris dook teb-tebes husi Na’i maromak”. Dom Leandro subliña

Dom Leandro hateten Jesus mos hanorin ita atu labele kria problema atu moris iha dame nia laran moris iha hakmatek nia laran.

” Ita nia sosiedade presiza teb-tebes atu ita sai matenek hodi bele moris hamutuk, matenek iha moris hamutuk, matenek iha moris hamutuk ne’e maka matenek ida ne’ebe la kria problema buka atu haree malu diak buka atu hadomi malu”. Nia hato’o

Jornalista: Luis Pailofo