Durante Fulan 5, MJDAC Sei Jere Osamentu Millaun 7 Ba Area Juventude
SAPNewsTL, Dili: Ministeriu Juventude Desportu Arte Kultura sigla Portugues (MJDAC) jere orsamentu dollar amerikanu 7 millaun aloka husi orsamentu jeral estadu nian ba area juventude, desportu no arte kultura maibe orsamentu ba area desportu.
“Iha orsamentu jeral estadu nian iha governu anterior aloka orsamentu ba Sekretariu Estadu Juventude Desportu (SEJD) ho montante dollar amerikanu 5.1 millaun maibe ita tama faze ratifikativu MJDAC presiza tan orsamentu dollar amerikanu 7 millaun apoiu tan ba area juventude, desportu no arte kultura”, Dehan Ministru Juventude Desportu Arte Kultura Nelio Izaac Sarmento ba jornalista sira iha nia knaar fatin Lecidere, Dili sesta (11/04/2023).
Ministru hatutan, dollar Amerikanu 7 millaun husi orsamentu jeral estadu nian ba MJDAC iha 2023, 75% sei aloka ba area desportu tanba iha desportu presiza orsamentu tanba atleta sira husi Timor-Leste sei ba kompete iha Asian Games iha sidade Hangzhou, China iha fulan setembru tan ne’e iha orsamentu ratifikativu ne’e ministeriu husu aumenta osan ba ida ne’e.
Nia informa tan, depois atividade desportu laos governu mak organiza maibe parseria ho federasaun no organizasaun desportiva sira tanba alende ministeriu fo kapasitasaun fo mos rekursu ba sira prepara atleta sira hodi kompete iha kompetisaun nasional no internasional sira
Agora iha tinan 2023 ikus nian, lakleur tan tama fulan dezembru tan ne’e programa hotu sei konsentra iha 2024.
Reportajen: Augusto dos Santos