Embaixador Korea Vizita VPM-MKADR, Introduz Programa Ba Dezenvolvimentu Suku No Aldeia
SAPNewsTL, Dili: Embaixador Korea realiza Enkontru ho Vise Primeiru Ministru e Ministru Koordenador Assuntu Dezenvolvimentu Rural (VPM-MKADR) Mariano Assanami Sabino Lopes iha Palasiu Guvernu,20/07/2023
Objetivu husi Sorumutu ne’e hodi Ko’alia kona ba kordenasaun servisu entre nasaun Korea ho Timor Leste ba Projetu Semalundun no mos KOIKA hodi bele dezenvolve komunidade sira iha Suku no Aldeia sira
“Ohin, mai Felisita ba VPM-MKADR), Reprezenta husi Korea hakarak fo parabens ba Nia no mos ko’alia kona-ba projetu ne’ebe hanaran Semalundun ne’ebe mak ami kompriende dadauk ne’e iha Ministro kordenador assunto dezenvolvimentu rural nia okos”.
“Korea sai nasaun dezenvolvidu tanba fator determinante ida mak projetu Semalundun ida ne’ebe mak foka liu ba area rural nian, investe hodi lori komunidade sira oinsa mak bele servisu husi kraik mai to’o leten, ami iha experiênsia hakarak atu mai partilha ho Timor Leste liliu ho Ministru Kordenador Assuntu Dezenvolvimentu Rural para oinsa bele reaplika fila fali iha TL.”,Tenik Embassiador Korea Kim Jeong Ho ba jornalista sira iha resinto Palasiu do Governu,20/07/2023
Embaixador Korea ne’e akresenta, “Ami hatene katak,dadauk ne’e 70% husi povu Timor Leste ne’e iha area rural sira tanba ne’e investimentu sira ba area rural ne’e importante tebes, oinsa bele eleva sira nia moris husi baze hodi lori ba povu ba moris diak, nune’e ami sei vizita terenu hodi Dezenvolve projetu ne’e”. Nia dehan
Iha fatin Hanesan, Vise Primeiru Ministru no Ministru Koordenador Assuntu Dezenvolvimentu Rural, haktuir objetivu husi hasoru malu ne’e hodi rona rekomendasaun sira ba programa sira ne’ebe atu halo iha área rurais
“Orseik mak Programa Guvernu hetan aprovasaun, ohin hasoru malu hodi rona rekomendasaun sira kona ba atividade ne’ebe atu halo iha rural, sira nia programa ne’ebe mak barak tebes liga ho areas rurais, oinsa mak ita hasa’e rendimentu no hasa’e dezenvolvimentu iha area rurais hodi hasai kiak sira liu husi hakiak trabalhador sira iha area rurais”. Vise PM Assanami Sabino Informa
Governante ne’e hatutan, “Ita sei halo kordenasaun orsamentu husi governu husi mos duadores sira para oinsa atu bele halo kordenasaun no sinkronizasaun orsamnetu ba programa no planeamentu, atividade sira ne’ebe mak iha kraik sei halo mos akompanhamentu modernizasaun ba atividades sira,”hateten VPM-MCADR
Enkuantu, Sorumutu ne’e parte rua ko’alia liu kona-ba mekanismu Implementasaun programa ne’ebe liga ba dezenvolvimentu rural hodi hases povu husi kiak no mukit iha futuru
Jornalista: Lidia Amaral & Celeste Sarmento